АБНА24 Хәбәр Верир, ҹәнаб Нәсруллаһ дејиб ки, АБШ-ын "Талибан"ла разылыға ҝәлдији доғрудурса, бу, Вашингтон достларына хәјанәт едији анламына ҝәлир. АБШ милјонларла Әфганыстан вәтәндашыны аҹ, сусуз вә дидәрҝин салды.
Онун сөзләринә ҝөрә, АБШ зәманәтинә ҝүвәнән ливанлылар Әфганыстанын талејини дүшүнмәлидирләр.
Ливан Һизбуллаһынын баш катиби даһа сонра Американы Ливанда вә реҝионда һәрҹ-мәрҹлијин јарадылмасынын әсас сәбәбкары адландырыб.
О, билдириб ки, Американын Бејрутдакы сәфирлији бу өлкәдәки һәрҹ-мәрҹлији идарә едир.
Бу ҝүн Ливанда баш верәнләр ејнилә Ирагда баш верән олајлардыр, зира белә бир һәрҹ-мәрҹлији идарә етмәк үчүн ваһид вә мүштәрәк әмәлијјат отағы мөвҹуддур.- дејә, Сејид Һәсән Нәсруллаһ билдириб.
Ливан Һизбуллаһынын баш катиби бу өлкәнин шималындакы Әкар шәһәриндә бир танкерин партлмасы һадисәсинә тохунуб вә белә гејд едиб: Әкар һадисәсиндән ибрәт алмаг лазымдыр ки, онун диҝәр бөлҝәләрдә баш вермәсинин гаршысы алынмыш олсун, амма мәсул шәхсләр иттиһам вурмаг, сөјүш сөјмәк вә сијаси истифадә илә мәшғулдурлар.
Сејид Һәсән Нәсруллаһ Ливандакы јанаҹаг бөһраны вә Вашингтонун бу мәсәләдәки ролу барәдә дә гејд едибдир ки, әксәр ширкәтләр гара базарда сатмаг мәгсәдилә јанаҹағы јығыб сахламаға сәј ҝөстәрирләр.
Мүтләг шәкилдә Ирандан бензин вә дизел јанаҹағынын идхал едиләҹәјинә бир даһа тәкид едән Ливан Һизбуллаһынын баш катиби гејд едиб ки, Иран Ислам Республикасы Ливанын кәнарында олдуғуну вурғулајыб.
342/
16 avqust 2021 - 16:36
Xəbər kodu: 1170317
Ливанын "Һизбуллаһ" һәрәкатынын лидери Сејид Һәсән Нәсруллаһ дүнәнки чыхышында Әфганыстандакы сон һадисәләри дәјәрләндириб.
