АБНА24 Хәбәр Верир, Таҹикистан хариҹи ишләр назирлији бир бәјанатда бу хәбәри верәрәк, гејд едиб ки, бу барәдә Әфганыстан тәрәфиндән дә бир хаһиш алмајыбдыр.
Дүнән «Нју-Јорк Тајмс» Доһада әфганларарасы мүзакирәләрдә Әфганыстан һөкумәтинин нүмајәндә һејәтинин намәлум үзвләриндән биринә истинадла хәбәр вермишди ки, Гәни һәјат јолдашы вә ики мүшавири илә јанашы, Кабилдән Дашкәндә јола дүшүб. Әшрәф Гәнинин ҹанҝүдәни сонрадан бу хәбәри тәсдиг едиб.
Бунунла белә, Әфганыстанын Өзбәкистандакы сәфирлијинин сөзчүсү белә дејиб: Биз бу мәлуматлары тәсдиг едә билмәрик, зира белә бир информасијамыз јохдур.
Һәмчинин Газахыстан хариҹи ишләр назирлијинин сөзчүсү Ајбек Смадијаров да мәсәләјә мүнасибәт билдириб: Әфганыстанда бундан артыг зоракылыгларын гаршысыны алмаг үчүн һакимијјәтдән кәнара чәкилдији дејилән Әшрәф Гәни Газахыстанда дејил.
342/
16 avqust 2021 - 16:34
Xəbər kodu: 1170315
Таҹикистан хариҹи ишләр назирлији билдириб ки, Әфганыстанын өлкәдән гачмыш президенти Әшрәф Гәнини апаран тәјјарә әсла бу өлкәнин һава мәканына дахил олмајыб вә Таҹикистан әразисиндә ениш етмәјибдир.
