АБНА24 Хәбәр Верир, Теһранын Әфганыстандакы зоракылыгларын шиддәтләнмәси, һәмчинин әһалинин вә ев-ешикләрини итирәнләрин дурумундан ниҝаран олдуғуну дејән Иран Хариҹи Ишләр Назирлијинин сөзчүсү бу ҝүн сәһәр ҹари шәраитин гызғын чағында ҝүнаһсызларын вә мүлки шәхсләрин һәјатларынын горунмасына диггәтин јетирилмәсини истәјиб.
Сәид Хәтибзадә талибләрин Һерат шәһәринә јијәләнмәләринә әсасән, онларын дипломатик мәканларын вә дипломатларын там сағламлыглары вә тәһлүкәсизликләринин тәмининә ҹидди диггәт јетирмәләринә тәкид едиб.
Иран Хариҹи Ишләр Назирлијинин Иран Ислам Республикасынын Һератдакы баш консуллуғу илә даими әлагәдә олдуғуну билдирән Хәтибзадә һәмин нүмајәндәликдә јерләшән әмәкдашларын сағламлыг вәзијјәтинин изләнилмәсиндән хәбәр вериб.
Диҝәр тәрәфдән, Иран Хариҹи Ишләр Назирлијинин Гәзби Асија шөбәсинин баш мүдири өз твиттер һесабында јазыб ки, Һератын идарәси ислами әмирликләрин гүввәләринин ихтијарына кечиб.
Иран Ислам Республикасынын Һератдакы баш консуллуғунун ишчиләри, дипломатлар вә баш консул бинанын ичиндәдирләр.
Онларла даими сурәтдә әлагә сахлајырам- дејән Мусәви билдириб ки, шәһәри идарә едән гүввәләр баш консуллуғун, дипломатларын вә онун ишчиләринин там тәһлүкәсизлијини тәмин етмәји үзәрләринә ҝөтүрүбләр.
Һерат шәһәри вә Әфганыстанын бир нечә вилајәти дүнән ахшам Талибан гүввәләринин әлинә кечиб.
342/
14 avqust 2021 - 16:09
Xəbər kodu: 1169596
Иран Әфганыстандакы зоракылыгларын шиддәтләнмәсндән ниҝарандыр.
