АБНА24 Хәбәр Верир, Сфера.аз-а ачыгламасында Елшад Мири Мәһәррәм ајынын әрәбләрә хас олдуғуну гејд едәрәк өз фикирләрини белә әсасландырыб: "Биздә јанвар ајы, јәни христианларын милад ајы башлајанда христианлар килсәјә ҝедиб ајбоју мәрасим дүзәнләјир? Истәр Мәһәррәм, истәрсә дә Сәфәр, Рамазан ајлары әрәбләрин тәгвиминә ҝөрәдир. Нијә биз бу ајлары мүгәддәсләшдиририк?".
О, мәсҹиддә ибадәт етмәјин нүмајиш характерли олдуғуну да гејд едиб: “Ибадәтдә әсас одур ки, бу әмәл үрәкдән ҝәлсин, һәгиги олсун. Јохса, мәсҹидә ҝедиб, ибадәт едиб өзүнү орада башгаларына нүмајиш етдирмәк нәјә ҝәрәкдир?"
Гејд едәк ки, Азәрбајҹан Республикасында шиәлик мәнсубијјәтинин әһали арасдында ҝениш јајылмасы вә бунун Вәтән мүһарибәсиндә өз тәсирини ҝөстәрмәси бәзи атеист тәфәккүрлү шәхсләри нараһат етмәјә башлајыб вә онлар Гарабағын азад олунмасында дини инанҹын һеч бир рол ојнамадығыны ҹәмијјәтә тәлгин етмәјә чалышырлар. Әлбәттә ки, бу кими иддиалар ҹәмијјәтин бөјүк әксәријјәти тәрәфиндән гәбул олунмур вә бүтүн Гафгазын Шејхи дә сон ачыгламасында буна ејһам вурарараг Алимәгамлы тәглид мәрҹәји Ајәтуллаһүл-үзма Хаменеи һәзрәтләринин дини инанҹдан мәншә алан фәтва вермәсини Азәрбајҹаны гәләбә говушдуран вә Азәрбајҹан гошунларына стимул верән мүһүм һадисә кими сәҹијјәләндирди. Бир ҝүн әввәл Гафгаз Мүсәлманлары Идарәсинин Мәһәррәмлик ајынын башланмасы илә әлагәдар јајдығы бәјанатда дејилир: Мәһәррәм ајынын Ашура ҝүнү Имам Һүсејн әлејһиссәламын аиләси вә сәһабәләри илә бирликдә Һагг уғрунда шәһадәтә јетишдији ҝүн кими Ислам тарихинә фаҹиәви, ејни заманда, гүрурвериҹи һадисә кими дахил олмушдур. Имам Һүсејн әлејһиссаламын хатирәсинин, Кәрбәла мүсибәтинин нәсилләрин јаддашында јашадылмасы иманын, әгидәјә садиглијин, Вәтән, торпаг наминә шәһидлик мәктәбинин ән бариз нүмунәси вә әбәди тәҹәссүмүдүр.
342/
10 avqust 2021 - 21:41
Xəbər kodu: 1168503
Медиа тәрәфиндән илаһијјатчы кими тәгдим олунан Елшад Мири Мәһәррәмлик ајинләрини кечирәнләрә мејдан охуду.
