АБНА24 Хәбәр Верир, Сејид Ибраһым Рәиси Һәмас Һәрәкатынын сијаси бүросунун рәһбәри Исмајыл Һәнијјә илә ҝөрүшдә, Гүдсүн азад едилмәси вә Фәләстинин ишғалына сона гојулмасы илә бағлы онун үмидвериҹи бахышларына ҝөрә тәшәккүр едиб вә дејиб: "Ҝүнүмүздә мүгавимәтин бөјүк гәләбәсинин әламәтләри үзә чыхыб вә Гүдс Гылынҹы Әмәлијјаты бу гәләбәнин әламәтләриндән бири иди".
Доктор Раиси, Гүдс Гылынҹы Әмәлијјатынын уғуруну достлар үчүн үмидвериҹи вә мүгавимәт дүшмәнләрини үчүн мәјуседиҹи амил кими дәјәрләндириб вә дејиб: "Бу гәләбәнин ән әһәмијјәтли месажы будур ки, Фәләстиндә мүгавимәт нәзәријјәси нәтиҹә вериб вә нәтиҹә верәҹәкдир дә".
Һәмас Һәрәкатынын сијаси бүросунун сәдри Исмајыл Һәнијјә дә бу ҝөрүшдә, Ајәтуллаһ Рәисијә Фәләстин вә дүнјанын һәр бир јериндә јашајан Фәләстинин дөзүмлү вә мәзлум халгынын тәбрик вә салам месажларыны дашыдығыны ифадә едәрәк, дејиб: "Иран Ислам Республикасы вә Имам Хомејни (р.ә) Ислам Ингилабынын гәләбә чалмасынын илк ҝүнүндән Фәләстин мәсәләсинә ҹидди диггәт јетирмишләр".
Бејнәлхалг Гүдс Ҝүнүнүн тәјин едилмәсини Ислам Республикасынын ән әһәмијјәтли вә галарғы һәрәкәтләриндән бири кими дәјәрләндирән Һәмас Һәрәкатынын сијаси бүросунун рәһбәри әлавә едиб: "Ислам Ингилабынын гәләбәсиндән 43 ил сонра Иран, Гүдсүн амалларыны дәстәкләмәкдә садиг галыб вә Ираны, Фәләстинин азад едилмәси амалындан әл чәкмәјә вадар етмәк үчүн ону әһатә едән дүшмәнләрин чохсајлы фитнәләринә бахмајараг, Иран бу амалдан әл чәкмәјиб. Вә сизин сон сечкиләрдәки гәләбәниз дә Иран халгынын Гүдсүн азад едилмәси амалына садиг галдыгларынын диҝәр бир сүбутудур".
Ибраиһ Рәиси, һәмчинин Ирагын Һәшдәл-Шәби Тәшкилатынын сәдри Фалеһ Әл-Фәјјаз илә ҝөрүшдә, Ирагын халг сәфәрбәр гүввәләринин бу өлкәнин бүтөвлүјү вә террорчулар гаршысында мүдафиәсиндәки дәјәрли ролуну јүксәк гијмәтләндирәрәк, дејиб: "Мәрҹәијјәтин халгы сәфәрбәр етмәк вә Һәшдә Әл-Шәбини јаратмагдакы тәшәббүсү ағыллы бир аддым иди ки, Ираг халгы вә өлкәси үчүн чохлу немәт вә бәрәкәт ҝәтирди".
342/
7 avqust 2021 - 19:07
Xəbər kodu: 1167452
Иран президенти Сејид Ибраһим Рәиси Һәмас Һәрәкатынын сијаси бүросунун сәдри Исмајыл Һәнијјә илә ҝөрүшдә, "Гүдс Гылынҹы" әмәлијјатыны ишғалчыларла мүбаризәдә бөјүк бир сычрајышын ҝөстәриҹиси кими дәјәрләндириб.
