АБНА24 Хәбәр Верир, Иранын БМТ-дәки сәфири вә Иран нүмајәндәлијинин сәдр мүавини Зәһра Ершади БМТ Тәһлүкәсизлик Шурасынын сәдринә үнванладығы мәктубда Инҝилтәрә, Румынија вә Либеријанын Ирана гаршы иддиаларыны әсассыз адландырараг, онлары рәдд едиб.
Иранын мәктубунда дејилир: Инҝилтәрә, Румынија вә Либерија өз иддиаларыны сүбут етмәк үчүн һеч бир факт тәгдим етмәдән «бөјүк еһтимала гаршы», «илкин дәјәрләндирмәләр» вә «бир вә ја бир нечә әдәд ПУА» кими инамсызлыгдан ирәли ҝәлән бәзи ифадәләрә сөјкәнәрәк, һәмчинин «бејнәлхалг шәрикләр» кими гаранлыг терминләрдән истифадә едәрәк, өз истәдикләри кими Иран Ислам Республикасыны «Мерсер Стриит» ҝәмисинә гаршы һүҹумда иттиһам етмәјә чалышыблар.
Иранын БМТ-дәки сәфири вә Иран нүмајәндәлијинин сәдр мүавини бу мәктубда сонра белә гејд едиб: Ашкар сијаси мәгсәдләрлә вә һүҹумдан дәрһал сонра илк дәфә олараг сионист режим тәрәфиндән ирәли сүрүлән бу әсассыз иддиа, мөвҹуд реаллыглар бахымындан гејри-дүзҝүн, сијаси вә етик ҹәһәтдән исә мәсулијјәтсизҹәсинәдир вә бу әсасда гәтијјәтлә рәдд едилир.
Иранын БМТ Тәһлүкәсизлик Шурасынын сәдринә үнванланан мәктубунда дејилир: Иран Ислам Республикасы Хәзәр дәнизи, Фарс Көрфәзи вә Оман дәнизиндә чох сајда лиман тәсисатларына вә узун сәрһәрләрә, һәмчинин ҝүҹлү ҝәмичилик донанмасына малик олмагла һәм ҝәмичилик азадлығы вә дәниз тәһлүкәсизлијиндә диггәтәлајиг мәнафејә маликдир, һәм дә онлара бөјүк әһәмијјәт верир.
Иранын БМТ-дәки сәфири вә Иран нүмајәндәлијинин сәдр мүавини бу мәктубда даһа сонра билдириб: Бу һәдәфә вә узун кечмишә малик олан сијасәтә әсасән вә әлагәдар бејнәлхалг өһдәликләрә там сәдагәтлә, Иран ҝәмичилик азадлығына вә дәниз тәһлүкәсизлијинин ҝүҹләндирилмәсинә дә диггәтәлајиг шәкилдә көмәк едибдир.
Иранын БМТ Тәһлүкәсизлик Шурасынын сәдринә үнванланан мәктубунда даһа сонра дејилир: БМТ Низамнамәсинин икинҹи маддәсинин биабырчы шәкилдә позулмасы истигамәтиндә ҝүҹдән истифадә илә һәдәләјән сионист режим башчыларынын сон тәһрикедиҹи ифадәләринә әсасән, бу режимә хатырланмасы зәруридир ки, өзүнүн еһтимал олунан бүтүн гејри-дүзҝүн һесабламалары вә авантүраларынын нәтиҹәләрини ҝөзләмәлидир.
Иранын БМТ Тәһлүкәсизлик Шурасынын сәдринә үнванланан мәктубунун башга бир һиссәсиндә дејилир: Һәр бир мәнбә тәрәфиндән бу ҹүр тәһдидләрин едилмәси илә бағлы хәбәрдарлыг едәрәк, Иран Ислам Республикасы өз милли марагларынын тәмини, өз суверенлијинин мүдафиәси вә өз халгынын там шәкилдә горунмасы үчүн лазым олан һәр һансы бир тәдбирин ҝөрүлмәсиндә тәрәддүд етмәјәҹәк.
Иранын БМТ-дәки сәфири вә Иран нүмајәндәлијинин сәдр мүавини БМТ Тәһлүкәсизлик Шурасынын сәдриндән, бу мәктубун Тәһлүкәсизлик Шурасынын сәнәди кими јајылмасыны истәјибдир.
342/
5 avqust 2021 - 20:30
Xəbər kodu: 1166934
Иранын БМТ-дәки сәфири вә Иран нүмајәндәлијинин сәдр мүавини БМТ Тәһлүкәсизлик Шурасынын сәдринә мәктубда Фарс Көрфәзиндә сахта дәниз һадисәләринин јарадылмасы үзрә сон шүбһәли сәјләр вә ондан да ҝениш ҹәһдләр барәдә хәбәрдарлыг едиб вә реҝионун тәһлүкәсизлији вә сабитлији үчүн зијанлы олан белә мәсулијјәтсиз һәрәкәтләрин дурдурулмасыны истәјиб.
