АБНА24 Хәбәр Верир, Русија Хариҹи Ишләр Назирлијинин БМТ Баш Ассамблејасынын 76-ҹы сессијасында Русијанын мөвгеји илә бағлы јајдығы бәјанатда дејилир: "Дағлыг Гарабағ мүнагишәси рајонунда вәзијјәтин нормаллашмасы илә бағлы сәјләр чәрчивәсиндә приоритет 9 нојабр 2020-ҹи ил вә 11 јанвар 2021-ҹи ил үчтәрәфли бәјанатларын һәјата кечирилмәсидир."
Бәјанатда гејд олунур: "БМТ аҝентликләринин, хүсусилә дә БМТ-нин гачгынлар үзрә Али Комиссарлығы Идарәсинин Русијанын сүлһмәрамлы әмәлијјатынын кечирилдији зонада һуманитар фәалијјәтә гошулмасыны фајдалы һесаб едирик. БМТ аҝентликләринин мүмкүн ишләринин параметрләри Бакы вә Ирәванла бирбаша координасијалы шәкилдә разылашдырылмалыдыр".
Хатырладаг ки, ијулун 3-дә Кремлин мәлуматында билдирилди ки, Русија Президенти Владимир Путин франсалы һәмкары Еммануел Макронла телефон сөһбәтиндә һәрби әмәлијјатлардан әзијјәт чәкән бөлҝә әһалисинин һуманитар проблемләринин һәллиндә авропалы тәрәфдашларын вә хүсусилә Франсанын даһа јахындан иштиракынын зәрурилијинә диггәт чәкдиб.
Гејд едәк ки, Русија 10 нојабр үчтәрәфли разылашмасынын ардынҹа Ханкәндиндә һуманитар реаксија Мәркәзи јарадыб вә һәмин мәркәзин фәалијјәти Русија сүлһмәрамлы гүввәләринин нәзарәти алтында олан Азәрбајҹан әразиләриндә јашајан ермәниләрин һуманитар проблемләрини һәлл етмәкдән ибарәтдир. Русија Гарабағын дағлыг һиссәсинин ермәниләр јашајан һиссәсиндә һуманитар вәзифәләрин јеринә јетирилмәсинә милјонларла доллар хәрҹләмәкдәдир.
Үчтәрәфли бәјанатын имзаланмасынын ардынҹа Русија бејнәлхалг тәшкилатлары, о ҹүмләдән БМТ-ни дә реҝионда ишә башламаға чағырмышды. О ҹүмләдән гәрб өлкәләрини реҝионда “һуманитар мәсәләләрин һәлли ишинә” вәсаит ајырмаға сәсләмишди.
342/
5 avqust 2021 - 20:28
Xəbər kodu: 1166931
Русија БМТ-нин Гарабағда һуманитар фәалијјәтә гошулмасыны дәстәкләдијини ачыглајыб.
