АБНА24 Хәбәр Верир, Рәҹәб Тәјјиб Әрдоған Түркијә телевизијаларына мүсаһибәсиндә билдириб: "Јанғынларда террор шүбһәси вар, биз ҹијәрләримизи јандыранларын ҹијәрләрини јандыраҹағыг".
Президент дејиб ки, јанғынларда террор, тәхрибат шүбһәсилә әлагәдар һазырда полис вә кәшфијјат тәшкилатларынын арашдырмалары давам едир. Бу мәсәлә илә әлагәдар әввәлдән нараһатлыглар варды. Еһтималлар доғру чыхды. Сахланылан шүбһәлиләр арасында һәбс олунанлар олду. Һәбс олунанларын аиләләринин ПКК илә әлагәли олдуғу да өјрәнилди. Өтән ил Һатајда баш верән мешә јанғынлары заманы белә фактлар олуб.
Хатырладаг ки, Түркијәнин Мешә Тәсәррүфаты Идарәсиндән верилән мәлумата ҝөрә исә, сон 8 ҝүн әрзиндә Түркијәнин 39 вилајәтинин мешәләриндә јанғын һадисәләри гејдә алыныб.
Јанғынлар сөндүрмә ишинә 5250 нәфәр, 16 тәјјарә, 9 ПУА, 45 һеликоптер, минә јахын техника ҹәлб едилиб.
Јанғынын гаршысыны алмагда Азәрбајҹан Республикасы вә Иран Ислам Республикасы илә јанашы бир чох өлкә Түркијәјә көмәклик ҝөстәрир. Бунунла әлагәдар Түркијә президенти Рәҹәб Тәјјиб Әрдоған өлкәсинә дәстәк верән, дуа едән вә башсағлығы верән бүтүн өлкәләрә вә тәшкилатлара тәшәккүр едиб.
342/
5 avqust 2021 - 20:28
Xəbər kodu: 1166930
Түркијәнин дөвләт башчысы бу өлкәни бүрүјән јанғынларын террор акты олдуғуну бәјан едиб.
