АБНА24 Хәбәр Верир, кәскин истиләр вә гураглыға ҝөрә, Албанија вә Косовонун бәзи бөлҝәләри дә јанғынлара мәруз галыблар. Мәсул органлар бу јанғынларда ики нәфәрин өлүмүндән хәбәр верибләр.
Албанијанын ҹәнубундакы мешә јанғынларынын сөндүјү бир һалда, бу өлкәнин шималында- Адриатик јарымадасында јени јанғынлар баш верибдир.
Косовода да ҝениш јанғынлар формалашыб. Полисин билдирдијинә ҝөрә, Косовонун мәркәзиндә өз јанан анбарыны хилас етмәјә чалышан бир киши нәфәс чатышмазлығындан һәјатыны итириб.
Албанија билдириб ки, Нидерланд бу өлкәјә јанғынсөндүрән вертолјот ҝөндәрәҹәјини вәд едиб.
Авропа Бирлијинин һидрометеоролоҝија идарәси дүнән Аралыг дәнизиндәки исти һава далғасы, јанғынларын ҝенишләнмәси еһтималы вә бөлҝәнин һавасындакы түстүдән ирәли ҝәлән зәһәрләнмә барәдә хәбәрдарлыг едиб.
Бу идарәнин хәбәрдарлығына әсасән, бөлҝәдәки јүксәк һәрарәтә вә гураглыға ҝөрә, мешәләрдә јанғынын баш вермәси тәһлүкәси артыб, һәрчәнд һаванын јүксәк температуру тәкликдә бу һадисәләрин амили ола билмәз вә јанғын илкин алышмадан асылыдыр.
Алимләр дејирләр ки, инсан фәалијјәтләриндән мәншә алан иглим дәјишикликләринин тәсири алтында, исти һава далғалары даһа кәскин вә даһа ардыҹыл олубдур.
342/
