Пентагонун бинасы гаршысында атышма олуб; Бир полис забити өлдүрүлүб

АБНА24 Хәбәр Верир, бу атышма чәршәнбә ахшамы јерли вахтла сәһәр саатларында вә АБС̧-ын Мӱдафиә Назирлијинин гәрарҝаһы олан Пентагонун ҝириши јахынлығында баш вериб вә нәтиҹәдә бина мүвәггәти олараг, бағланмалы олуб вә назирлик тәһлүкәсизлик гүввәләри тәрәфиндән мүһасирәјә алыныб.

Пентагонун Мүһафизәси Аҝентлији бу хәбәри тәсдигләјәрәк, вә инсанлардан, мәсәлә илә бағлы нөвбәти мәлумат вериләнә гәдәр бу әразидән узаг дурмаларыны хаһиш едиб. Һазырда, бинанын бүтүн ҝириш вә чыхышлары гападылыб вә мөвзунун ајдынлашдырылмасы үчүн арашдырма апарылыр.

Һадисә јериндә олан Арлингтонун Јанғындан Мүһафизә Хидмәтинин әмәкдашлары һадисә нәтиҹәсиндә бир нечә нәфәрин јараландығыны тәсдигләјибләр. Һүҹум нәтиҹәсиндә өлән вә јаралананларын дәгиг сајы һәлә ачыгланмајыб.

Дејиләнләрә ҝөрә, атәс̧ аҹ̧ан с̧әхс АБС̧ Мӱдафиә Назирлијинин мӱһафизә хидмәтинин әмәкдас̧ы тәрәфиндән ҹаваб атәс̧илә зәрәрсизләс̧дирилиб.Пентагон Мүдафиә Гүввәләринин Мүһафизәси Аҝентлији Тwиттер сәһифәсиндә һадисәнин Пентагонун Транзит Мәркәзинин бир һиссәси олан автобус дајанҹағында баш вердијини билдириб. Дајанаҹаг Вирҹинија штатынын Арлингтон Маһалында, Пентагон бинасындан бир нечә аддымлыг мәсафәдә јерләшир.

Атышма заманы АБШ-ын мүдафиә назири Ллојд Аустин вә Баш Гәрарҝаһ рәиси Марк Милли Ағ Евдә Бајденлә ҝөрүшдә олублар.

Бу һүҹуму сәбәбкары вә ја сәбәбкарларынын мотиви һәләлик мәлум дејил. Бинанын јахынлығында олан Ассоҹиатед Пресс аҝентлијинин мүхбири чох сајда атәш сәсләри ешитдијини, кичик фасиләдән сонра азы даһа бир атәш сәсинин ҝәлдијини дејиб.

Вәзијјәтин нәзарәт алтында олдуғу дејилсә дә, Пентагонун Мүһафизәси Аҝентлији инсанлардан мүмкүн гәдәр бу әразидә һәрәкәт етмәкдән чәкинмәләрини истәјиб.

Пентагонун сөзчүсү Ҹон Кирби бир бәјанатда билдириб ки, нә Ллојд Аустин, нә дә Баш Гәрарҝаһ рәиси һадисә заманы Пентагонда олмајыблар вә Ағ Евдә Ҹо Бајденлә һәфтәлик ҝөрүшдә иштирак едирмишләр. Кирби, һәмчинин һүҹумун тәфәррүатларынын Пентагон сәлаһијјәтлиләринә вә мүдафиә назиринә чатдырылдығыны вә һүҹумла әлагәдар сон инкишафлар һаггында мүтәмади олараг, онлара мәлумат верилдијини ачыглајыб.

Пентагонун рәсмиләриндән бири Пентагонун мӱһафизә хидмәтинин әмәкдас̧ларындан биринин атәш ачмада ролунун олдуғуну билдириб. Амма бу шәхсин ким олдуғу вә һүҹумда һансы силаһдан истифадә едилдији һәләлик бәлли дејил.

342/