АБНА24 Хәбәр Верир, Шәрг-Гәрб Арашдырмалар Мәркәзинин рәһбәри, АБШ-да мүһаҹирәтдә јашајан Әрәстун Оруҹлу бу барәдә фејсбук үзәриндән јајдығы пајлашымда билдириб ки, Жиринивски бөлҝәнин, о ҹүмләдән дә Азәрбајҹанын ССРИ вә Чар дөврүндә олдуғу кими Русијанын нәзарәтинә гајтарылмасынын ваҹиблијини иддиа едир. Онун сәсләндирдији иддиаларын кимдән вә һарадан гајнагландығыны тапмаг исә бир о гәдәр дә чәтин дејил. "Мүхалифәтчи данышман" кими чыхыш едән һәмин б шәхс адәтән ја Кремлин, ја да Русија һәрби-сәнаје комплексинин месажларыны чатдырмагла мәшғулдур.
Политологун сөзләринә ҝөрә, онун сәсләндирдији фикирләр ССРИ-ни бәрпа етмәк паранојасына дүчар олмуш Путинин сијасәтинин тәркиб һиссәсидир. Бунунла да Москва Азәрбајҹаны тәһдид едир вә бу да сәбәбсиз дејил. Чүнки бөлҝәдә јаранмыш вәзијјәт Москва үчүн өз ҝеосијаси һәдәфләринә чатмағы чәтинләшдириб.
Әрәстун Оруҹлу хәбәрдарлыг едиб ки, Жириновскинин "Русија мүдафиә етмәзсә АБШ-ын Әлијеви гыса заманда девирә биләҹәји" һагда хәбәрдарлығы вә бөлҝәдәки Русија әсҝәрләринин тәһлүкәсизлији барәдә дедикләри дә олмајан ағлыны итирмиш демагогун бошбоғазлығы кими гәбул едилмәмәлидир. Жириновски Илһам Әлијевә диктатор дејиб вә буна ҝөрә дә рәсми Бакы гәзәбләнәрәк Русијаја етираз нотасы вериб.
Гејд едәк ки, Кремлә јахынлығы илә сечилән Жириниовски вахташыры постсовет республикаларыны ашағылајыр вә онларын Русијаја бирләшмәсини тәләб едир.
Русија Президенти Владимир Путин бу ил апрелин 25-дә бу галмагаллы сијасәтчинин 1-ҹи дәрәҹәли “Вәтән гаршысында хидмәтләринә ҝөрә” ордени илә тәлтиф едилмәси һаггында фәрман имзалајыб.
342/
3 avqust 2021 - 14:20
Xəbər kodu: 1166211
Русија Дөвләт Думасынын үзвү, Русија Либерал-Демократ Партијасынын сәдри тәрәфиндән сәсләндирилән фикирләр азәрбајҹанлы сијасәтчиәри һиддәтләндириб.
