АБНА24 Хәбәр Верир, Икинҹи Гарабағ мүһарибәсинә сон гојмуш 2020-ҹи илин 10 нојабр бәјаннамәсинин имзаланмасындан 8 ајдан чох вахт кечмәсинә, Азәрбајҹанын ишғал алтындакы әразиләринин бөјүк һиссәсини азад етмәсинә бахмајараг, Ермәнистан һөкумәти Азәрбајҹана гаршы бејнәлхалг тәблиғат апарыр, Бакыны онун әразисинә тәҹавүздә ҝүнаһландырыр.
Аҝентлик гејд едир ки, Ирәван Франса вә АБШ гүввәләринин бөлҝәјә ајаг ачмасына, онларын Азәрбајҹанла сәрһәдә јерләшдирилмәсинә чалышыр. Бу јолла ермәниләр Ханкәндидәки он минләрлә силаһлы сепаратчынын көмәји илә Гарабағ мүһарибәсини јенидән аловландырмаға, Гәрб ҝүҹләринин јардымы илә картлары өз хејринә дәјишмәјә ҹәһд едир.
Шәрһдә билдирилир ки, Ермәнистанын бу јахынларда Кәлбәҹәр сәрһәдиндә башлатдығы силаһлы тоггушма бир нечә Азәрбајҹан һәрбчисинин өлүмүнә сәбәб олуб. Бу, мүһарибәдән јени чыхмыш, атәшкәс бәјаннамәси имзаламыш өлкәнин ишинә бәнзәмир. Ҝөрүнүр, Ирәван мүһарибәни јенидән гызышдырмаг, бунунла да бөлҝәјә хариҹи һәрби мүдахиләјә јол ачмаг нијјәтиндәдир.
Мараглыдыр ки, баш верәнләрин фонунда Ермәнистанын баш назири сәлаһијјәтләрини иҹра едән Никол Пашинјан Русијапәрәст Вагаршак Һарутунјаны мүдафиә назири вәзифәсиндән кәнарлашдырыб. Онун јеринә Гәрбпәрәст Аршак Карапетјан тәјин олунуб. Өлкәнин ХИН башчысы сәлаһијјәтләринин иҹрасы исә даһа бир Гәрбпәрәст кадра –Армен Григорјана һәвалә едилиб. Бүтүн бунлар Ирәванда Франса вә АБШ-ын сијасәтинин һәјата кечирилдијини ҝөстәрир.
Русијапәрәст шәхсләри өнәмли вәзифәләрдән кәнарлашдыран Никол Пашинјан унудур ки, Москванын һәрби вә мадди дәстәји олмасајды, 44 ҝүнлүк мүһарибәдә Азәрбајҹан нәинки Ханкәнди вә Хоҹалы да дахил олмагла Гарабағын бүтүн әразисини азад етмәк әрәфәсиндә иди, һәтта Ермәнистанын әрази бүтөвлүјү белә, тәһлүкәјә алтына дүшә биләрди.
Диҝәр тәрәфдән, Авропа Иттифагы бу ҝүнләрдә Ермәнистана 2,6 милјард авро малијјә јардымы ајырдығыны бәјан едиб. Бу, әһалиси 3 милјондан аз олан өлкә үчүн чох бөјүк рәгәмдир. Сөһбәт аз гала, онун дөвләт бүдҹәсинә бәрабәр мәбләғдән ҝедир.
342/
1 avqust 2021 - 19:22
Xəbər kodu: 1165600
Иранын Тәсним Хәбәр Аҝентлији Азәрбајҹанла Ермәнистан арасындакы сәрһәд тоггушмаларында Франсанын рол ојнадығыны билдирир.
