АБНА24 Хәбәр Верир, сон ҝүнләр Түркијәдә 100-дән чох мешә јанғыны сөндүрүлүб. Буна бахмајараг, Анталја вә Муғлада 5 јанғын оҹағына нәзарәти әлә алмаг мүмкүн олмајыб.
Буну Түркијәнин кәнд вә мешә тәсәррүфаты назири Бәкир Пакдәмирли Твиттер сәһифәсиндә јазыб.
Назир билдириб ки, ијулун 28-дән августун 1-дәк 107 мешә јанғыны нәзарәт алтына алыныб.
Бодрумдан ҝәлән хәбәрләрә ҝөрә исә, бу бөлҝәдә Ҝөкпынар вә Мазы кәндләриндә јанғын јашајыш јерләринә кечиб. Кәнддәки евләр бошалдылыб, јанғынсөндүрмә ишләри давам едир.
Муғланын Милас рајонунда Бәјчиләр мәһәлләсиндә мешәлик әразидән башлајан јанғын да күләјин тәсириндән даһа да шиддәтләниб.
Түркијәнин сәһијјә назири Фәхрәддин Гоҹа дејиб ки, Мармарис вә Бодрумда баш верән мешә јанғынлары нәтиҹәсиндә 160 нәфәр хәсарәт алыб. Онлардан 159-нун мүалиҹәси артыг баша чатыб.
Түркијәнин Муғла вилајәтинин Бодрум рајонунда башлајан јанғынла әлагәдар ҝенишмигјаслы тәдбирләр һәјата кечирилир. Јанғынын сөндүрүлмәсиндә Иран Ислам Республикасы Мүдафиә Назирлијинин јанғынсөндүрмә тәјјарәләри д фәал иштирак едирләр.
Һазырда бөлҝәдә јанғынын јашајыш мәнтәгәләринә јајылмамасы үчүн һавадан вә гурудан јанғынсөндүрмә ишләри һәјата кечирилир. Бөлҝәдәки отелләрдән туристләрин ҝәмиләрлә тәхлијәсинә башланылыб.
Гејд едәк ки, дүнән Түркијәнин мешә вә кәнд тәсәррүфаты назири Манавгатда үч, Мармарисдә исә бир нәфәрин јанғын фәлакәтиндән вәфат етдијини ачыгламышды. Бунунла да Түркијәдәки јанғынларда һәлак оланларын сајы алтыја чатыб.
Бу арада Түркијә Президенти Рәҹәб Тәјјиб Әрдоған јанғындан тәсирләнән вәтәндашлара јардымларын едиләҹәјини, дөвләтин бүтүн имканлары илә онларын јанларында олаҹағыны гејд едиб.
Јанан әразиләрин башга мәгсәдлә истифадәсинә јол верилмәјәҹәјини дејән Әрдоған тәкрар мешә золағынын салынаҹағыны вурғулајыб.
342/
1 avqust 2021 - 19:15
Xəbər kodu: 1165592
Түркијәдә мешә јанғынларыны нәзарәт алтына алмаг үчүн сәјләр артырылыр.
