АБНА24 Хәбәр Верир, Түркијә һөкумәти өлкәнин бир сыра бөлҝәләрини әһатә едән мешә јанғынларынын арадан галдырылмасы үчүн бүтүн мөвҹуд имканлары сәфәрбәр едиб.
Түркијә Президенти Рәҹәб Тәјјиб Әрдоған бунунла әлагәдар тәбии фәлакәтдән зәрәр чәкмиш бөлҝәдә олан Кәнд тәсәррүфаты вә мешәчилик назири Бәкир Пакдемирли, Әтраф мүһит вә шәһәрсалма назири Мурат Курум вә Хариҹи ишләр назири Мөвлуд Чавушоғлу илә мүтәмади әлагә сахлајыр.
Назирлик рәһбәрләри президентә мешә јанғынлары зонасындакы вәзијјәт барәдә мәлумат верибләр.
Түркијә Президентинин сөзчүсү Ибраһим Калын да мешә јанғынларыны милли фәлакәт адландырыб
Ибраһим Калын “Тwиттер” һесабында јазыб: “Бүтүн гурумларымыз әлагәли шәкилдә јанғынла бөјүк бир мүбаризә апарыр. Прокурорлуг органлары јанғынларын сәбәбләрини һәртәрәфли арашдырыр. Чалышмалар фасиләсиз давам етдириләҹәк”.
Гејд едәк ки, һазырда өлкәдә 42 јанғын нәзарәт алтына алыныб, Анталја, Мерсин вә Адана дахил олмагла 21 гајнар нөгтәдә јанғын давам едир.
Аданада баш верән 20 јанғындан 6-сынын Анталјада 10 јанғындан 4 -нүн, Мерсиндә 7 јанғындан 4 -нүн, Османијәдә 4 јанғындан 3 -нүн, Муғлада 4 јанғындан 2-нин, Кајсери вә Манисада исә бир јанғынын һәлә дә сөндүрүлмәдији гејд едилир.
Кајсери, Маниса, Күтаһја, Балыкесир, Килис, Каһраман-Мараш, Коҹаели, Кастамону, Сакарја, Истанбул, Һатај, Бурса, Измир, Дијарбакыр вә Караман вилајәтләриндә јанғынлар нәзарәт алтына алыныб.
Бу арада Түркијәдә мешә јанғынлары төрәтмәкдә шүбһәли билинән ПКК террор тәшкилатынын үзвләри Маниса вилајәтинин Тургутлу бөлҝәсиндә јахаланыб.
Шүбһәлиләр һүгуг -мүһафизә органлары вә өлкәнин Милли Кәшфијјат Тәшкилатынын бирҝә кечирдији әмәлијјат заманы сахланылыб.
Ән сон мәлумата әсасән, Түркијәнин Анталја шәһәри вә әтрафларында баш верән иримигјаслы мешә јанғынлары нәтиҹәсиндә 4 нәфәр өлүб, 180-дән чох инсан јараланыб.
342/
30 iyul 2021 - 16:22
Xəbər kodu: 1164878
Түркијәдәки јанғынлар фаҹиәси илә әлагәдар Әрдоған сәфәрбәрлик елан етди. Мешә јанғынлары төрәтмәкдә шүбһәли билинән шәхсләр сахланылыб.
