АБНА24 Хәбәр Верир, Рази адына ваксин вә серумгајырма үзрә арашдырма институтунун тәдгигат вә технолоҝија мәсәләләри үзрә директрор мүавини Мәһәммәд Һәсән Фәллаһ Меһрабади бу ҝүн ЫРНА илә мүсаһибәдә дејиб ки, гаршыдакы бир нечә ҝүндә «Рази Ково Парс» ваксининин клиник тестинин икинҹи дозасынын бүтүн көнүллүләрә ашыланмасынын баша чатмасы илә бу клиник тест мәрһәләси дә сона јетәҹәкдир.
«Рази Ково Парс» ваксининин клиник тестинин икинҹи етапында иштирак едән көнүллүләрин сајыны беш јүз нәфәр елан едән Меһрабади билдириб ки, бу етапда иштирак едән көнүллүләрин һамысы пејвәндин биринҹи дозасыны да вурдурубдур.
Рази адына ваксин вә серумгајырма үзрә арашдырма институтунун тәдгигат вә технолоҝија мәсәләләри үзрә директрор мүавини гејд едиб ки, тезликлә бу ваксинин үчүнҹү тест етапы башланаҹаг.
Меһрабади һәмчинин дејиб ки, прогнозлара әсасән, август-сентјабр ајларындан «Рази Ково Парс» ваксининдән минимум бир милјон доза истеһсал олунаҹаг.
«Рази Ково Парс» ваксини Үмумдүнја Сәһијјә Тәшкилатынын ҝөстәришләринә вә ән сәрт дахили протоколлара ујғун олараг дүзәлдилмәкдә олан/ коронавируса гаршы јени тәркибли протеинә малик олан лк инјексија-тәнәффүс пејвәндидир.
342/
27 iyul 2021 - 17:31
Xəbər kodu: 1163948
Рази адына институтун тәдгигат мәсәләләри үзрә директрор мүавини билдириб ки, «Рази Ково Парс» ваксининин клиник тестинин икинҹи етапы тезликлә баша чатаҹаг.
