Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, ҹари илин јанвар ајында Трамп кампанијасы бајрағы илә АБШ Конгресинин бинасына едилән һүҹум һадисәсиндә иштирак едән АБШ-ын Флорида әјаләтиндән бир нәфәр сәккиз ај һәбс ҹәзасына мәһкум едилди. Бу, 6 јанвар һүҹуму илә бағлы илк һөкмдүр.
Паул Аллард Һодҝкин үзр истәди вә һәрәкәтләриндән утандығыны сөјләди. "Етиразын ҝетдикҹә бөјүдүјүнү дүшүнсәјдим, һеч вахт Пеннсјлваниа күчәсиндәки сәкидән кечмәздим" деди. Әлавә етди: "Бу, мәним тәрәфимдән дүшүнүлмәмиш бир гәрар иди.”
Прокурорлар, Паул Аллард Һодҝкин үчүн, һәр һансы бир иғтишашчы кими, демократија үчүн күтләви тәһдиддә иштирак етдијини сөјләјәрәк 18 ајлыг һәбс ҹәзасы истәмишди.
Президент сечкиләриндән сонра етиразчылар тәрәфиндән 6 јанвар 2021 тарихиндә Конгрес бинасына едилән һүҹум, ән азы беш нәфәрин өлүмүнә сәбәб олду.
Һаким Рандолф Мосс, Һодҝкинин Америка тарихинин ән пис һиссәләриндән бириндә рол ојнадығыны сөјләди. Һаким сонда Һодҝкин-и бир илдән аз мүддәтә азадлыгдан мәһрум етди.
Рандолф Мосс дејиб: "Бу һеч бир вәҹһлә етираз дејилди. Бу демократијаја олан һүҹум иди.”
Даһа сонар Һаким Рандолф Мосс әлавә едиб: "Бу мәсәлә өлкәдә ҝәләҹәк илләр әрзиндә бизим үчүн галаҹаг бир ләкә бурахды."
Һодҝкин, иҹтимаи әмлака вә ја һәр һансы бир шәхсә тәҹавүз вә ја зәрәр вурмагда ҝүнаһландырылмады. Буна ҝөрә дә прокурорлар, Һодҝкинин мәсулијјәти дәрһал гәбул етмәси вә ҹинајәтинә етираф етмәси сәбәбијлә онунла бир гәдәр јумшаг давранмаға лајиг олдуғуну сөјләди.
Диггәт: Хәбәрдән Истифадә Етдикдә Мәнбәјә Истинад Лазымдыр!
