АБНА24 Хәбәр Верир, Азәрбајҹан Мүдафиә Назирлијиндән билдирибләр ки, Азәрбајҹан ордусунун бөлмәләри ҹаваб атәшләри илә Ермәнистан ордусу сусдурулуб.
Хатырладаг ки,иИјулун 23-ү саат 16:00 радәләриндә Ермәнистан силаһлы гүввәләринин бөлмәләри Басаркечәр рајону әразисиндәки мөвгеләриндән Азәрбајҹан Ордусунун Ермәнистан-Азәрбајҹан дөвләт сәрһәдинин Кәлбәҹәр рајону саһәсиндәки мөвгеләрини атәшә тутуб.
Гаршы тәрәфдән ачылан снајпер атәши нәтиҹәсиндә һәрби гуллугчумуз ҝизир Јагублу Фәрман Телман оғлу һәлак олуб.
Мүдафиә назирлији гејд едиб ки, һазырда гејд олунан истигамәтдә јерләшән Азәрбајҹан Ордусунун бөлмәләри тәрәфиндән ҹаваб тәдбирләри һәјата кечирилир. Ермәнистан тәрәфи бу кими тәхрибат јолу илә гәсдән ики өлкәнин дөвләт сәрһәдиндә вәзијјәти ҝәрҝинләшдирмәк мәгсәди ҝүдүр. Баш вермиш тәхрибата ҝөрә бүтүн мәсулијјәт там шәкилдә Ермәнистанын үзәринә дүшүр.
Бу ҝүн верилән мәлумата ҝөрә исә, һазырда Ермәнистан-Азәрбајҹан дөвләт сәрһәдинин Кәлбәҹәр саһәсиндә вәзијјәт сабитдир.
Мүдафиә Назирлијиндән билдирилиб ки, әмәлијјат шәраити Азәрбајҹан Ордусунун бөлмәләринин нәзарәти алтындадыр.
342/
24 iyul 2021 - 14:32
Xəbər kodu: 1162917
Азәрбајҹан-Ермәнистан дөвләт сәрһәдинин Кәлбәҹәр истигамәтиндә дүнән ҝүнүн икинҹи јарысындан етибарән башлајан атышма һәлә давам едиб.
