АБНА24 Хәбәр Верир, Азәрбајҹан, Русија, Иран вә Түркијә үмуми реҝионал базар јаратмаг үчүн момерондум һазырлајыблар. Бу барәдә Иранын информасија вә технолоҝијалар назири Мәһәммәд Ҹавад Азәри Ҹәһроми мәлумат вериб. О билдириб ки, бунунла бағлы чох јахын заманда момерандум имзаланаҹаг.
Иранлы назир гејд едиб ки, реҝионал базарлар тиҹари-игтисади мүнасибәтләрдә әсас рол ојнајыр. Назир хүсуси олараг вурғулајыб ки, Иран тәрәфи үмуми реҝионал базарын вә һүгуги нормаларын һазырланмасы вә јарадылмасы үчүн бөјүк сәјләр ҝөстәриб: “Бу ишләр бизим Русија, Түркијә вә Азәрбајҹанла әмәкдашлығымызын нәтиҹәси олуб вә бунунла әлагәдар мүвафиг меморандумлар һазырланыб”.
Мәһәммәд Ҹавад Азәри Ҹәһроминин сөзләринә ҝөрә, ваһид реҝионал базарын јарадылмасы мәгсәдилә Һиндистан, Азәрбајҹан, Түркијә вә Русија илә данышыглар давам едир: “Бу лајиһә чәрчивәсиндә Бакы вә Теһранда үч иҹлас кечирилиб. Иҹласларын јекунларына әсасән, үмуми реҝионал базарын јарадылмасы үчүн әмәкдашлыг барәдә сазиш имзаланыб”.
Мәсәләјә мүнасибәт билдирән игтисадчы-експерт Мәһәммәд Талыблы Полигон порталына вердији мүсаһибәдә дејиб ки, реҝионал лајиһәләрдә иштирак етмәк үчүн, Јераван Ҹәнуби Гафгаза давамлы сүлһүн ҝәлмәсини тәмин етмәлидир. Бунун үчүнсә тәиби ки, Ермәнистан Азәрбајҹанла сүлһ сазиши имзаламалыдыр. Јәни Јераван нәглијјат дәһлизләринин блокадасынын ортадан галдырылмасы үчүн реал аддымлар атмалыдыр. Әкс тәгдирдә Ермәнистан јенә дә реҝионал игтисади лајиһәләрдән канар галаҹаг вә бу лајиһәләрдән бәһрәләнә билмәјәҹак.
342/
24 iyul 2021 - 14:26
Xəbər kodu: 1162915
Азәрбајҹан, Русија, Иран вә Түркијәнин јаратдыглары үмуми реҝионал базар реҝионун игтисади һәјатында ҹанландырма јарада биләр.
