Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, 22-ҹи Бағдад Бејнәлхалг Китаб Сәрҝиси, Ирагын пајтахтында 1400-ҹү ил Хордадын 20-дән 31-дәк (10-21 ијун 2021) "Әл-Китаб Вәтәнун (Китаб Вәтәндир)" шүары алтында кечирилиб.
Әлбәтдә ки, бу сәрҝи ијунун 20-дә битмәли иди, лакин инсанларын хош гаршыланмасы сәбәбиндән бир ҝүн даһа узадылараг, 12 ҝүн давам етмишдир.
Сәрҝијә 14 өлкәдән 228-дән чох нашир гатылмыш вә сәрҝидә 30-а јахын семинар вә мәдәни ҝөрүш кечирилмишдир.
Үмүмдүнја Әһли-Бејт (әлејһимус сәлам) Ассамблејасы илә әлагәли олан Ирагын јерли иҹмаларындан бири сајылан "Ираг Әһли-Бејт (әлејһимус сәлам) Ассамблејасы" да бу сәрҝијә гатылмыш вә ассамблејанын әсәрләрини тәгдим етмишдир.
Ираг Әһли-Бејт (әлејһимус сәлам) Ассамблејасынын директору Һөҹҹәтүл-Ислам вәл-Мүслимин "Пәһләванзадә Беһбаһани" дә сәрҝијә гатылмыш вә сәрҝинин фәалијјәтләри илә таныш олмушдур.
Гејд етмәк лазымдыр ки, Иран Ислам Республикасынын үч нашири "Иран Ислам Республикасынын Бағдаддакы Мәдәнијјәт Мәсләһәтчиси", "Иран Китаб вә Әдәбијјат Еви" вә "Әбрар Чағдаш Институту" лары да бу сәрҝидә иштирак етмишди. Бу үч нашир әмәкдашлыг едәрәк "Иран Ислам Ҹүмһуријјәтинин Милли Көшкү"нү Бағдад Бејнәлхалг Сәрҝисинин дөрдүнҹү салонунда, 75 квадратметрлик бир саһәдә јаратмышлар вә Фарс вә Әрәб дилләриндә чап олунан дини, мәдәни, бәдии, сијаси, Ираншүнаслыг вә с. мөвзулар һаггында 13000 ҹилд шәклиндә тәхминән 1200 үнванлы китаблары сәрҝи зијарәтчиләринә тәгдим етмишләр.
Бағдад Китаб Сәрҝиси заманы мүхтәлиф әдәби вә мәдәни ҝөрүшләр кечирилди. Белә ҝөрүшләрдән бири дә Иран Ислам Республикасынын Мәдәнијјәт мүшавири тәрәфиндән Сәрдар Гасым Сүлејмани вә Һаҹы Әбу Меһди әл-Муһандисин шәһид олмасы илә бағлы хүсуси топлантысынын тәчкили иди.
22-ҹи Бағдад Китаб Сәрҝиси Ираг халгы тәрәфиндән рәғбәтлә гаршыланды вә иштирак едән наширләрин сатыш һәҹми мәгбул иди.
Диггәт: Хәбәрдән Истифадә Етдикдә Мәнбәјә Истинад Лазымдыр!
