Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Талыш Бөлҝәсинин Ләнкәран Шәһәр Рајон Полис Шөбәсинин (ШРПШ) әмәкдашларынын кечирдикләри әмәлијјат-ахтарыш тәдбирләри нәтиҹәсиндә күлли мигдарда наркотик васитә вә психотроп маддә ашкарланараг ганунсуз дөвријјәдән чыхарылыб.
ДИН Мәтбуат Хидмәтинә Ләнкәран реҝионал групундан верилән мәлумата ҝөрә, Ләнкәран ШРПШ-нин әмәкдашлары тәрәфиндән дахил олмуш мәлумат әсасында кечирилән әмәлијјат тәдбирләри илә Ләнкәран шәһәр сакини, әввәлләр мәһкум олунмуш Ф.Фәрәҹов сахланылыб. Онун үзәриндән 1 бүкүмдә психотроп маддә метамфетамин, 1 бүкүмдә наркотик васитә һероин ашкарланыб. Давам етдирилән әмәлијјат тәдбирләри илә Ф.Фәрәҹовун һәмин наркотик васитә вә психотроп маддәни Ләнкәран шәһәр сакини Ф.Һәмдәмовдан алдығы, сонунҹунун һәмчинин јашадығы евдә тирјәкхана тәшкил етдији мүәјјән едилиб. Полис әмәкдашлары тәрәфиндән Ф.Һәмдәмовун јашадығы евә кечирилән бахыш заманы орадан 1 килограмдан артыг һероин вә 1 килограмдан артыг метамфетамин ашкарланараг ҝөтүрүлүб. Кечирилән бахыш заманы һәмин евин һәјәтиндә олан әввәлләр мәһкум олунмуш Р.Сәфәровун вә С.Сејфуллајевин һәр биринин үзәриндән 1 бүкүмдә психотроп маддә, 1 бүкүмдә һероин ашкарланараг ҝөтүрүлүб.
Ејни ҝүндә Ләнкәран ШРПШ-нин Лиман полис бөлмәсинин әмәкдашлары тәрәфиндән кечирилән әмәлијјат-ахтарыш тәдбирләри илә исә Гумбашы кәнд сакинләри, әввәлләр мәһкум олунмуш З.Һүсејнов вә Г.Рәһимов сахланылыблар. Кечирилән бахыш заманы онларын үзәриндән үмумиликдә 20 бүкүмдә метамфетамин вә 2 әдәд електрон тәрәзи ашкар едиләрәк ҝөтүрүлүб.
Фактларла бағлы арашдырма апарылыр.
Диггәт: Хәбәрдән Истифадә Етдикдә Мәнбәјә Истинад Лазымдыр!
