АБНА24 Хәбәр Верир, Азәрбајҹанда игтисади рајонларын јени бөлҝүсү апарылыб вә онларын сајы 11-дән 14-ә чатдырылыб. Бу барәдә өлкә башчысы Илһам Әлијев фәрман вериб. Јени бөлҝүјә әсасән Јухары Гарабағ игтисади рајону ләғв олунуб вә Гарабағ игтисади рајону јарадылыб. Ханкәнди дә һәмин игтисади рајона дахил едилиб. Ораја Ханкәнди шәһәри илә јанашы Ағҹабәди, Ағдам, Бәрдә, Фүзули, Хоҹалы, Хоҹавәнд, Шуша вә Тәртәр рајонлары дахилдир.
Бурада ән чох диггәт чәкән мәсәлә Гарабағ Игтисади Ројуну илә јанашы “Шәрги Зәнҝәзур” термининин Азәрбајҹанын һүгуги лексиконуна дахил едилмәсидир.
Өлкә башчысынын јени гәрарындан мәмнунлуг ифадә едән сијаси аналитик Елмәддин Беһбуд фејсбук үзәриндән етдији пајлашымында јазыр ки, Азәрбајҹан Зәнҝәзурла бағлы
иддиаларыны сијаси мүстәвидән һүгуги мүстәвијә кечирир. Бир әразинин Шәрги варса, демәк Гәрби дә вар. Икинҹиси, Азәрбајҹанын реҝионун конфигуријасыны дәјишәҹәк, һазырда инша олунан јени нәглијјат шәбәкәсинин мәсафәҹә гыса, анҹаг сијаси вә игтисади ҹәһәтдән бөјүк әһәмијјәти олан һиссәси - Зәнҝәзур дәһлизи илә бағлы исрарынын давам етдијини ҝөстәрир. Үчүнҹүсү, Илһам Әлијевин өлкә Конститусијасыны рәһбәр тутараг Ханкәнди, Хоҹалы вә Хоҹавәндин дә дахил олдуғу Гарабағ игтисади рајону јаратмасы Азәрбајҹанын Конститусија гурулушунун аддым-аддым бәрпа олунаҹағынын месажыдыр.
342/
9 iyul 2021 - 15:41
Xəbər kodu: 1158572
Азәрбајҹан Республикасынын президенти Илһам Әлијевин имзаладығы "Азәрбајҹан Республикасында игтисади рајонларын јени бөлҝүсү һаггында" Фәрманла Гарабағ вә Шәрги Зәнҝәзур игтисади рајонлары јарадылыб.
