АБНА24 Хәбәр Верир, Таҹикистанын тәшкилат јанында даими нүмајәндәси Һәсән Султонов республиканын Әфганыстандан ҝәлән тәһлүкә илә тәкбашына мүбаризә апара билмәјәҹәјини бәјан едиб.
О, КТМТ өлкәләрини сәрһәд бөһранынын һәлли үчүн Таҹикистана јардым етмәјә чағырыб.
Гејд едәк ки, АБШ вә НАТО гүввәләринин Әфганыстандан чыхарылмасынын ардындан өлкәдәки Талибан јараглылары фәаллашыб. Онлар бир сыра әразиләри, о ҹүмләдән дә Таҹикистанла сәрһәд рајонларыны әлә кечирибләр. Сәрһәд заставаларында хидмәт едән Әфганыстан һөкумәт гүввәләринин јүзләрлә һәрбчиси исә өлүм тәһлүкәси алтында сәрһәди кечәрәк Таҹикистан әразисинә дахил олублар.
Бу арада Таҹикистан һөкумәтинин чағырышына ҹаваб олараг Русијанын хариҹи ишләр назири Серҝеј Лавров бәјан едиб ки, КТМТ Әфганыстан сәрһәдиндән Таҹикистана һүҹум едиләҹәји тәгдирдә бу һадисәни тәҹили олараг мүзакирә едәҹәкдир.
Русијалы назирин сөзләринә ҝөрә, Таҹикистана бир һүҹум оларса, әлбәттә ки, бу дәрһал КТМТ-дә нәзәрдән кечириләҹәк. Москва вә Дүшәнбә Коллектив Тәһлүкәсизлик Мүгавиләсинә үзрә мүттәфигдир вә Русија Федерасијасынын Таҹикистанда һәрби базасы вар. Беләликлә, тәбии ки, Кремл өз өһдәликләрини јеринә јетирәҹәк.
342/
8 iyul 2021 - 14:55
Xəbər kodu: 1158285
Таҹикистан Әфганыстанла сәрһәдиндә јаранмыш вәзијјәтлә бағлы Коллектив Тәһлүкәсизлик Мүгавиләси Тәшкилатына (КТМТ) мүраҹиәт едиб.
