АБНА24 Хәбәр Верир, Әфганыстанын шимал-шәргиндә јерләшән Бәдәхшан әјаләтинин 5 рајону сон сутка әрзиндә “Талибан”ын нәзарәтинә кечиб.
Бу барәдә Бәдәхшан әјаләти Шурасынын депутаты Әһмәд Ҹавид Мүҹәддәди КИВ-ә ачыгламасында билдириб.
Онун сөзләринә ҝөрә, әјаләтин Вардуч, Драим, Теҝаб, Кишим вә Тишкан рајонларына “Талибан”ын ејни заманда етдији һүҹум нәтиҹәсиндә һәмин әразиләр силаһлыларын әлинә кечиб.
Депутат билдириб ки, һөкумәт гүввәләри рајон мәркәзләриндән ҝери чәкилибләр. “Талибан” исә Бәдәхшан әјаләтинин 7 рајонуну әлә кечирдикләрини билдириб. Мәлумата ҝөрә, ијунун 23-дә бу бөлҝәнин Һаш рајонуну “Талибан” тутмушду.
Бәдәхшан Таҹикистан, Чин вә Пакистанла һәмсәрһәддир.
Билдирилиб ки, Әфганыстанын гәрбиндә Иранла сәрһәддә јерләшән Һерат әјаләтиндә дә һөкумәт гүввәләри илә “Талибан” арасында атышма ҝедир.
Һерат валилијинин сөзчүсү Фәрһад Ҹејлани ачыгламасында гејд едиб ки, силаһлылар Иран-Әфганыстан сәрһәд гапысы Ислам Гала вә јени сәрһәддәки Ҝурјан рајонларына да һүҹум едиб.
Јерли мәсул шәхсләрин сөзләринә ҝөрә, Әфганыстандакы 407 рајонун 130-дан артығы “Талибан”ын нәзарәти алтындадыр. Силаһлылар исә 185 рајона нәзарәт етдикләрини билдириб.
ر
4 iyul 2021 - 18:21
Xəbər kodu: 1156874
Әфганыстанын шимал-шәргиндә јерләшән Бәдәхшан әјаләтинин 5 рајону сон сутка әрзиндә “Талибан”ын нәзарәтинә кечиб.
