Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, "Иран Милли Рәсәдханасы", Иран Ислам Республикасынын Президенти Һөҹҹәтүл Ислам вә Мүсәлимин Др. Һәсән Руһанинин ҹанлы јајымда, телекөрпү васитәсилә етдији иштиракы илә 28 ијун 2021 Базар ертәси ҝүнү истифадәјә верилиб.
Бу рәсәдхана Кашанын "Камо вә Чоган (Ҹошган)" шәһәри әтрафында "Гаргаш" дағынын зирвәсиндә тикилмишдир. Иранын мүхтәлиф бөлҝәләриндә 40-дан чох дағ зирвәсини өлчүб арашдырдыгдан сонра Гаргаш Зирвәси пешәкар астрономик телескопларын јарадылмасы үчүн ән ујғун зирвә сечилди вә Иранын Милли Рәсәдханасы Иран алимләри вә мүһәндисләри тәрәфиндән дизајн вә инша едилди.
Ачыг сәма, јерин әлверишли һүндүрлүјү вә материалы вә ири чиркләнмә мәнбәләриндән олан мәсафә, өлкәнин он зирвәси арасында 3622 метрлик Гаргаш зирвәсиндә Иран Милли Рәсәдханасынын иншасына сәбәб олду.
Телескопун бүтүн компонентләри вә аваданлығы вә бу рәсәдхананын гүббәси Иран истеһсалыдыр вә бу лајиһәнин һәјата кечирилмәси илә Иран Ислам Республикасы дүнјада нәһәнҝ телескопу јарадан 10 өлкәдән бири олду.
Иран Ислам Республикасынын Президенти ачылыш мәрасиминдә деди: "Һәмд олсун Аллаһа, бу ҝүн бу нәһәнҝ рәсәдханамыз вар." Ҝүзҝү диаметри 3,4 метр олан бу рәсәдхана бөлҝәдәки ән ваҹиб рәсәдханалардан биридир.
Доктор Һәсән Руһани әлавә етди: "Биз Јер адлы кичик бир планетдә јашајырыг вә бу дүнја чох ҝениш вә бөјүк бир дүнјадыр вә Аллаһ Гурани Кәримдә бујурур:" وَإِنَا لَمُوسِعُون ". Аллаһ каинаты даим ҝенишләндирир, галактикалар, планетләр вә улдузлар артмагдадыр вә ҝөзүмүзүн телескопла ҝөрә биләҹәји шеј бу ҝениш каинатла мүгјисәдә чох мәһдуддур.
О, АБШ-ын ҹинајәткарҹасына тәтбиг етдији санксијаларына рәғмән Иран Ислам Республикасынын тәрәгги етдијинә ишарә едәрәк дејиб: "Игтисади мүһарибә или олан бу илләрдә елм вә билик јолуну давам етдирә билдијимизә вә дајанмамағымыза ҝөрә севинирәм. Бизим өлкәмиз бу өтән 8 илдә елм вә технолоҝија јолунда бөјүк бир сычрајышын шаһиди олду."
Диггәт: Хәбәрдән Истифадә Етдикдә Мәнбәјә Истинад Лазымдыр!
