Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Суријанын дөвләт медиасы, Дејр әз-Зор бөлҝәсиндә јерләшән Омар нефт саһәсиндәки АБШ һәрби базасына бир нечә ракет атылдығыны билдириб. АБШ һәрби рәсмиси дә һадисәни тәсдигләјиб вә АБШ гүввәләринин силаһлылардан гисас алаҹағыны сөјләјиб.
Сурија медиалары һүҹумун тәфәррүатларыны ачыгламамышды, лакин бөлҝәдәки диҝәр КИВ-ләр гәтијјәтлә Иранын дәстәкләдији Мүгавимәт Гүввәләринин АБШ гүввәләринә ракет һүҹумлары һәјата кечирмиш ола биләҹәјини билдирмишләр.
Гејд олунан нефт јатағы Фәратын шәрг саһилиндә, Әл-Мајадин шәһәриндән 10 км мәсафәдәдир вә ишғалчы АБШ гүввәләри бу нефт јатағында ганунсуз олараг Сурија күрдләри илә әмәкдашлыг едир.
Суријадакы АБШ ишғалчы гүввәләринин сөзчүсү полковник Уејн Марато, бөлҝәдәки медианын јајымладығы хәбәрләрдән бир нечә саат сонра Твиттер-дә "Суријадакы АБШ гүввәләри бир нечә ракет һүҹумунун һәдәфи олду. Һүҹумлар итки вермәјиб вә мадди зијан арашдырылыр."-јазараг билдириб.
Бөлҝә медиасы, ракет һүҹумларынын АБШ-ын мүттәфиг Иран Шиә гүввәләринә һүҹумуна ҹаваб олдуғуну сөјләјир.
Гејд едәк ки, өтән ҝүн 5 Ијул Базар ертәси ҝүнү сәһәр радәләриндә ишғалчы АБШ гырыҹылары Сурија сәрһәдиндәки Иранын дәстәкләдији Мүгавимәт Гүввәләринин мөвгеләринә һүҹум етмишдир. Пентагон бу һүҹумлары сон заманларда АБШ-ын Ирагдакы базаларына пилотсуз тәјјарәләрин ендирдији һүҹумлара гаршы “мүдафиә характерли” ҹаваб олараг адландырмышдыр.
АБШ Дөвләт Катиби Антһонј Блинкен, базар ертәси ҝүнү Италијанын пајтахты Ромада журналистләрә вердији ачыгламада, өлкәсинин Ирагдакы Шиә гүввәләринә һүҹумунун "лазымлы" олдуғуну вә "ҝүҹлү вә әһәмијјәтли бир чәкиндирмә месажы" илә "лајигли" бир һәрәкәт олдуғуну сөјләди.
Бу, Ҹо Бајден вәзифәјә ҝәлдикдән сонра АБШ-ын Ирагдакы Иран мүттәфиг гүввәләринә икинҹи һүҹумдур ки, тәшкил олунуб.
Диггәт: Хәбәрдән Истифадә Етдикдә Мәнбәјә Истинад Лазымдыр!
