Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, ИИР Сәһијјә Назиринин иштиракы илә Иран Ислам Республикасында истеһсал олунан “Спутник В” пејвәндинин ачылыш мәрасиминдә чыхыш едән Русија Бирбаша Инвестисија Фондунун баш директору Кирил Димитров билдириб: "Иран, Спутник В пејвәндини ортаг шәкилдә истеһсал едән бөлҝәдәки илк өлкә олду".
ИРНА-нын вердији мәлумата ҝөрә, Димитров вердији ачыгламада билдириб ки, Иран ширкәти тәрәфиндән истеһсал олунан пејвәндин Иранын өзүндә милли пејвәнд програмынын һәјата кечирилмәси үчүн истифадә едиләҹәк.
О, дејиб: "Бу фонд вә Актовер адлы габагҹыл Иран әҹзачылыг ширкәтләриндән бири вердији бәјанијјәдә Спутник В пејвәндини ортаг истеһсал едәҹәкләрини елан едиб".
Кирјл Димитров, Русија Бирбаша Инвестисија Фонду (РДЫФ) вә Актовер "технолоҝија трансфери" саһәсиндә фәал әмәкдашлыг етдијини изаһ едиб.
О, сонра дејиб: "Спутник В пејвәндинин Иранда јерли истеһсалы Иран әһалисинин ваксинасија едилмә сүрәтини артырыр. Пејвәнд һазырда өлкә әһалисинин коронавирүсдән горунмасында мүһүм рол ојнајыр вә јерли истеһсал, Иран рәһбәрлијинин епидемија илә мүбаризә сәјләрини дәстәкләјир”.
Иран, Сербија, Италија, Һиндистан вә Бразилија кими өлкәләрдән сонра технолоҝија трансферинин ардынҹа өлкәдә корона пејвәндинин ортаг истеһсалына башлајараг күтләви истеһсал едән алтынҹы өлкәдир.
Иран вә Русија, кечән ил феврал ајында ики тәрәф арасында имзаланан Спутник В пејвәнди үчүн ики милјон доза мүгавиләсиндән әлавә олараг, Апрел ајынын сонунда 30 милјон инсанын там ваксинасија едилмәси үчүн 60 милјон доза мүгавиләсини имзалајыблар.
Гејд едәк ки, Спутник пејвәнди Иран да дахил олмагла 60-дан чох өлкәдә о ҹүмләдән Алманија, Италија, Испанија, Беларусија, Украјна, Сербија, Һиндистан, Чин, Ҹәнуби Кореја, Газахыстан, Мисир, Арҝентина вә Бразилија да дахил олмагла бир чох өлкәдә гејдијјатдан кечмишдир. Онун истеһсалы вә лисензијасы алтында сечилмиш вә Аҹтовер Әҹзачылыг Групу бу пејвәндин Јахын Шәргдә илк истеһсалчыларындан бири олараг сечилмишдир.
Диггәт: Хәбәрдән Истифадә Етдикдә Мәнбәјә Истинад Лазымдыр!
29 iyun 2021 - 02:06
Xəbər kodu: 1154855
О, сонра дејиб: "Спутник В пејвәндинин Иранда јерли истеһсалы Иран әһалисинин ваксинасија едилмә сүрәтини артырыр. Пејвәнд һазырда өлкә әһалисинин коронавирүсдән горунмасында мүһүм рол ојнајыр вә јерли истеһсал, Иран рәһбәрлијинин епидемија илә мүбаризә сәјләрини дәстәкләјир”.
