АБНА24 Хәбәр Верир, Анатоли Антонов Бајден һөкумәтинин анти-Русија мөвгели Алексеј Навалны илә бағлы Москваја гаршы јени мәһдудијјәтләр һазырламагда олмасына даир сон мәлумата реаксијада билдириб ки, өтән илләрдә дә Русијаја гаршы јүзләрлә санксија тәтбиг олунду вә ҝөстәрди ки, биз сакитликлә өз иш-ҝүҹүмүзү давам етдирә биләрик вә мүтләг шәкилдә санксијалар Русијанын хариҹи сијасәтинә, һәмчинин һәр һалда онун дахили сијасәтинә тәсир ҝөстәрә билмәз.
Бу рус дипломат сонра билдириб ки, белә бир вәзијјәтдә јахшы оларды ки, Русијаны һәдәләмәк јеринә, хас проблемләрә бахылсын, зира тәһдид, баҹалма вә санксија илә, Москванын өз хариҹи вә дахили сијасәтләрини јенидән нәзәрдән кечирәрәк, Вашингтонун ҝөстәришләрини јеринә јетирәҹәјини ҝөзләмәк олмаз.
Бундан габаг Америка милли тәһлүкәсизлик мүшавири Ҹејк Салливан демишди ки, өлкәси өзүнү Русијаја гаршы јени санксијалар тәтбиг етмәјә һазырлајыр.
Русија Хариҹи Ишләр Назирлијинин сөзчүсү Марија Захарова да бу сөзләрә реаксијада билдирмишди ки, Америка Русијаја гаршы санксијаларын тәтбигиндән өз проблемләрини һәлл етмәк үчүн бир васитә кими истифадә едир.
Москва илә Вашингтон арасындакы мүнасибәтләр сон бир нечә илдә Русијанын АБШ сечкиләринә гарышмасы иддиасы, Алексеј Навалны иши, Вашингтонун биртәрәфли санксијалары, Украјна вә Крым јарымадасы бөһранлары кими мөвзулар үстүндә ҝәрҝинләшибдир.
342/
22 iyun 2021 - 21:07
Xəbər kodu: 1152949
Русијанын АБШ-дакы сәфири Американын Русијаја гаршы јени санксијалар тәтбиг етмәк үзрә нијјәтинә реаксијада дејиб ки, бу санксијалар нәтиҹә вермәјәҹәк вә Москванын сијасәтинин дәјишмәсинә сәбәб олмајаҹагдыр.
