2 азәрбајҹанлы, талибләр сырасында јер алдығына ҝөрә истинтаг едилир

АБНА24 Хәбәр Верир, Пакистанда "Талибан"ын тәркибиндә вурушмагда тәгсирләндирилән Елнур Ҹәбијев вә Јәһја Мәммәдовун ҹинајәт иши үзрә ибтидаи истинтаг баша чатыб.

Спутник Азәрбајҹан хәбәр верир ки, тәгсирләндирилән шәхсләр барәсиндә топланан ҹинајәт ишинин материаллары бахылмасы үчүн Бакы Ағыр Ҹинајәтләр Мәһкәмәсинә ҝөндәрилиб.

Ады гејд олунан азәрбајҹанлыларын 2010-ҹу илдә Пакистан Ислам Республикасына кечдикләри вә һәмин өлкәнин Шимали Вәзиристан вә Уругзај вилајәтләриндә “Талибан” һәрәкатына табе олан “Сәлаһәддин” ҹамаатынын тәркибиндә ганунсуз силаһлы бирләшмәләрин фәалијјәтиндә иштирак етдикләри дејилир.

Гејд олунан фактларла бағлы бу ики шәхсин барәсиндә мәһкәмәнин гәрары илә һәбс гәтимкан тәдбири сечилиб.

"Талибан" 1994-ҹү илдә Шејх Мәһәммәд Омәрын башчылығы алтында јарадылыб вә 1996-ҹы илдә Әфганыстанда һөкумәти әлә кечирәркән бир чох ҹинајәтләр төрәдиб. Талибанын террорчу фәалијјәтләринә Иранын Мәзар Шәрифдәки консуллуғуна һүҹум едәрәк 8 иранлы дипломат вә бир журналисти шәһид етмәси дә дахилдир.

Талибләрин Әфганыстанда јаратдыглары террорчу ч иртиҹачы һөкумәт Американын башчылығы алтында коалиссија гүввәләринин Әфганыстана тәҹавүзү нәтиҹәсиндә деврилсә дә, сонралар АБШ-ын бу груплашма илә давамлы мүзакирәләр апармасы вә талибләрә һакимијјәтдә пај вермәк ҹәһдләри, һәмин груплашманын маһијјәти барәдә һәгигәтләри ашкар етди.

Ираг вә Суријада чохлу сајда инсанын ганыны ахыдан, бу өлкәләрин инфрастурукурларыны дағыдан ИШИД террор групунун да АБШ тәрәфиндән силаһландығы барәдә чохлу фактлар ашкар едилмишдир. ИШИД террорчу групун сыраларында да онларла азәрбајҹанлы јер алмышды.

Азәрбајҹанлыларын вәһаби вә тәкфирчи террор груплары тәркибиндә ҹинајәт әмәлләриндә иштиракы, бу өлкәдә әнәнәви дини инанҹлара лазымы јер верилмәмәси вә тәһсил системиндә дини тәлиматын јер алмамасы илә әлагәләндирилир.

342/