Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Ливан Һизбуллаһ Мүгавимәт Тәшкилатынын Баш Катиби 21 Ијун 2021 тарихдә бәјанат верәрәк Ајәтуллаһ Сејјид Ибраһим Рәисинин президентлик постуна сечилмәси мүнасибәти илә тәбрик едиб.
О, Иран Исламидә кечирилән президент сечкиләринин нәтиҹәсинин елан едилмәсинин ардынҹа твиттер сәһифәсиндә “Ибраһимә Салам Олсун” ҹүмләси илә өзүнүн илк реаксијасыны ҝөстәрмишдир.
Сејјид Һәсән Нәсруллаһын тәбрик месажынын бир һиссәсиндә белә ҝәлмишдир: “Мән сизә Иран халгынын бөјүк әксәријјәтинин етимадыны ҹәлб етдијиниз үчүн вә тарихин һәссас бир вахтында Иранын президентлик постуна сечилмәјиниз мүнасибәти илә сәмими гәлбдән тәбрик әрз едирәм.”
Сејјид Һәсән Нәсруллаһ даһа сонра јазыб: “Азадә вә мүбариз инсанлар сизи тәҹавүзкарлар илә үзләшмәкдә өзләринә мөһкәм дајаг һесаб едирләр.”
Гејд едәк ки, Ајәтуллаһ Сејјид Ибраһим Рәиси Һиҹри шәмси тәгвими илә 28 Хордад 1400-ҹү ил (18.Ијун.2021) Ҹүмә Ҝүнүндә кечирилән Иранын 13-ҹү президент сечкиләриндә 17 милјон 962 мин сәс чохлуғу илә (сечиҹиләри 62%-нин сәсини топламагла) халг тәрәфиндән Иран Ислам Республикасынын 8-ҹи президенти олараг сечилмишдир.
Диггәт: Хәбәрдән Истифадә Етдикдә Мәнбәјә Истинад Лазымдыр!
