АБНА24 Хәбәр Верир, Иран Ислам Ингилабынын Бөјүк Рәһбәри Һәзрәт Ајәтуллаһүл-үзма Хаменеи шәнбә ҝүнү Иран халгынын 18 ијун сечкиләриндә мөһтәшәм иштиракы мүнасибәтилә етдији мүраҹиәтдә, сечкиләрин ән бөјүк галибинин Иран халгы олдуғуну билдириб.
О Һәзрәт гејд едиб ки, нә мәишәт чәтинликләриндән шикајәтләнмәләр, нә халгы руһдан салмаг үчүн гаршы чыхмалар, нә дә пандемија хәстәлијинин тәһлүкәси вә сәсвермәнин илкин саатларында бәзи позунтулар Иран халгынын ирадәсинә галиб ҝәлә билди.
Һәзрәт Ајәтуллаһүл-үзма Хаменеи Иран халгына хитабән бујуруб: "18 Ијун сечкиләриндәки епик вә һәјәҹанвериҹи иштиракыныз, шәрәфләринизә даһа бир парлаг сәһифә әлавә етди. Дүнәнки сечкиләрин ән бөјүк галиби бир даһа Иран халгы олду. Һансы ки, дүшмәнин муздлу медиасынын тәблиғаты вә пис нијјәтли вә хам дүшүнҹәли инсанларын вәсвәсәләри гаршысында дајанды вә өлкәнин сијаси мејданынын ортасында олдуғуну ҝөстәрди".
Ислам Ингилабынын Бөјүк Рәһбәри хатырладыблар: "Уҹа Танрыја Иран халгына әта етдији мүвәффәгијјәтә, һәмчинин Ирана вә Ислам Республикасына ҝөстәрдији мәрһәмәтә ҝөрә, сонсуз тәшәккүр едирәм вә Иран халгыны тәбрик едирәм".
О, һәзрәт јүксәк президентлик вәзифәсинә вә ја шуралара үзвлүјә сечиләнләрә хитабән дејибләр: "Өлкәјә вә милләтә хидмәт етмәк фүрсәтини гијмәтләндирин вә Илаһи мотивләри даима ҝөз өнүндә сахлајын".
342/
20 iyun 2021 - 12:52
Xəbər kodu: 1152271
Иран Ислам Республикасынын Алимәгамлы Рәһбәри 18-ијун сечкиләриндә Иран милләтинин епик вә һәјәҹанвериҹи иштиракыны јүксәк дәјәрләндириб.
