АБНА24 Хәбәр Верир, Иран илә 4+1 групу арасында данышыгларын нөвбәти туру ијунун 10-дан Вјанада јенидән башлајаҹаг вә бу тур данышыглар АБШ-ын Иранын нефт ихраҹатына гаршы тәтбиг етдији санксијаларын ләғвини әһатә едә биләр.
Рөјтерс әлавә едиб: "Август ајында тәһвил верилмәси нәзәрдә тутулан "Брент" маркалы хам нефтин гијмәти 26 сент уҹузлашараг, 71,63 доллара сатылыб, бу елә бир һалдадыр ки, сон заманлар "Брент" маркалы нефтин гијмәти 72,27 доллара чатмышды ки, бу да 2019-ҹу илин мај ајындан бәри нефт тиҹарәтиндә ән јүксәк ҝөстәриҹидир.
Мәлумата әсасән, ијул ајында тәһвил верилмәси нәзәрдә тутулан АБШ-ын "Техас" маркалы нефтинин һәр бир баррели 70 доллара сатылыб ки, бу да 2018-ҹи илин октјабр ајындан бәри илк дәфәдир белә бир рәгәм гејдә алыныб, чүнки о, заман "Техас" маркалы нефт 69,43 доллара мүбадилә едилиб.
Сингапурда әмтәә үзрә игтисади директорлардан олан Автар Сандо дејиб: "Илкин нараһатлыг Иран нефтинин, нефт базарына гајытмасы илә бағлыдыр, амма Иран президент сечкиләриндән әввәл нүвә разылашмасынын әлдә олунаҹағыны дүшүнмүрәм".
Игтисади аналитикләр, 18 ијун президент сечкиләри әрәфәсиндә олан Иранын санксијалар ләғв олунаҹағы тәгдирдә истеһсалыны ҝүндә 500 мин барелдән 1 милјон барелә гәдәр артыра биләҹәјинә инанырлар.
342/
7 iyun 2021 - 13:36
Xəbər kodu: 1148408
Иран илә 4+1 групу арасында нүвә данышыгларынын нәтиҹәси һәлә бәлли олмадығы бир һалда, сон ҝүнләрдә дүнја базарларында рекорд һәддә чатан нефт гијмәтләри јенидән енмәјә башлајыб.
