АБНА24 Хәбәр Верир, Азәрбајҹан Республикасы Хариҹи Ишләр Назирлијинин (ХИН) Мәтбуат хидмәти исә баш верән һадисә илә бағлы јајдығы бәјанатда билдириб ки, 40-а јахын шәхси һејәтлә Азәрбајҹан әразисинә дахил олан ермәни силаһлы гүввәләри Азәрбајҹан Республикасынын Силаһлы Гүввәләринин дәрһал вә силаһ тәтбиг етмәдән һәјата кечирдији тәдбирләр нәтиҹәсиндә өлкәмизин әразисиндән чыхарылыб.
Азәрбавјҹан Республикасы ХИН-ин бәјанатында дејилир: "Ермәнистан тәрәфинин ики дөвләт сәрһәдиндә давамлы тәхрибатлара әл атмасы бу өлкәнин мәгсәдјөнлү шәкилдә бөлҝәдә вәзијјәтин ҝәрҝинләшдирилмәсинә хидмәт едән аддымлар атдығыны нүмајиш етдирир.
Ермәнистаны бејнәлхалг һүгуг принсипләринә риајәт етмәјә, әсассыз шәкилдә сәрһәд мәсәләсиндә ҝәрҝинлији артырмагдан чәкинмәјә вә сәрһәд мәнтәгәсиндә тәхрибатлара сон гојмаға чағырырыг", - дејә мәлуматда гејд олунуб.
Хатырладаг ки, Минск Групунун һәмсәдрләриндән олан Франсанын президенти дүнән Ермәнистанын баш назири илә ҝөрүшүндә Азәрбајҹан Республикасыны Ермәнистан әразиләриндән чыхмаға вә әввәлки мөвгеләрә ҝери чәкилмәјә чағырмышды. Авропа грумлары да сәрһәд ҝәрҝинлијини бәһанә едәрәк анти-азәрбајҹан мөвгеләр тутурлар.
Америка президенти исә сон вахтлар Азәрбајҹан Республикасы Президентинә үнванладығы мәктубда мүнагишәнин узунмүддәтли һәллиндән сөз ачмышды.
342/
2 iyun 2021 - 14:45
Xəbər kodu: 1146954
Азәрбајҹан Республикасынын Мүдафиә Назирлији вә Дөвләт Сәрһәд Хидмәти бирҝә бәјанатда ермәни силаһлы гүввәләринин Азәрбајҹан әразисинә дахил олмаларындан анҹаг ҝери гајтарылмаларындан хәбәр вериб.
