АБНА24 Хәбәр Верир, бејнәлхалг мәсәләләр үзрә експерт Еһсан Растгар билдирир ки, Теһранын мараглары нәзәрә алынмадан Зәнҝәзур дәһлизинин ачылмасы просеси сүрәтләндирилир. Бу исә Иран үчүн һәссас вә нараһлыг јарадан мәсәләдир. Она ҝөрә дә Зәрифин белә бир вахтда етдији сәфәри вахтында атылмыш стратежи аддым кими характеризә етмәк олар.
Мүәллифин гәнаәтинҹә, бөлҝәдә нәглијјат әлагәләринин бәрпасы мәсәләси атәшкәс бәјананамәсиндән сонра јени ҝәрҝинлик мөвзусуна чеврилиб. Сәбәб реҝион өлкәләринин марагларынын тоггушмасыдыр. Азәрбајҹан президенти Илһам Әлијевин “Зәнҝәзур дәһлизи” адландырдығы бу јолун ачылмасы јалныз Азәрбајҹан, Түркијә вә Русијанын марагларына хидмәт едир. Бу маршрутла әлагәдар ики ваҹиб мәгам вар. Әввәла, нојабр бәјаннамәсиндә “Зәнҝәзур дәһлизи” адлы маршрутдан сөһбәт ҝетмир. Орада јалныз ики өлкә арасында јолларын ачылмасындан данышылыр.
Икинҹиси, Азәрбајҹан президенти Илһам Әлијев бу јахынларда билдириб ки, Јереван бу дәһлизин ачылмасында әмәкдашлыгдан гачарса, Азәрбајҹан буна истәнилән һалда наил олаҹаг.
Мәгаләдә вурғуланыр ки, Иран Зәнҝәзур дәһлизинин ачылмасы илә онун Ермәнистанла гуру әлагәсинин кәсилә биләҹәјиндән нараһатдыр. Мәһз бу үздән Теһран јени дәһлизин јарадылмасы бәһанәси илә онун сәрһәдиндә һәр һансы дәјишиклијә ҝедилмәсинә јол вермәјәҹәјини билдирир.
342/
1 iyun 2021 - 16:51
Xəbər kodu: 1146637
Иранлы журналистин “Иран Дипломатијасы” сајтында јаздығы мәгалә Азәрбајҹан медиасынын диггәтини чәкиб.
