АБНА24 Хәбәр Верир, Тәбриздә журналистләрин суалларыны ҹавабландыран вали билдириб ки, јени ҝөмрүк-кечид мәнтәгәси Азәрбајҹанын ишғалдан азад олунан әразисиндә - Худафәрин көрпүсүнүн јанында ачылаҹаг.
Онун сөзләринә ҝөрә, бунун үчүн лазым олан тәдбирләр артыг һәјата кечирилиб вә һәр ики дөвләтин рәсми шәхсләри јени ҝөмрүк-кечид мәнтәгәсинин јарадылмасыны диггәт мәркәзиндә сахлајырлар.
Шәрги Азәрбајҹанын валиси гејд едиб ки, јени мәнтәгә халгларын вә дөвләтләрин марагларыны әкс етдирир. Һәр ики дөвләтин реҝионлары арасындакы әлагәләрин инкишафы сәрһәдјаны бөлҝәдә јашајан әһалинин сосиал вәзијјәтинин даһа да јахшылашмасына хидмәт едәҹәк.
Иранын дөвләт рәсмиси сонра дејиб: "Шәрги Азәрбајҹан әјаләтиндә мөвҹуд олан сәрһәд-кечид мәнтәгәләринин потенсиалындан гоншу өлкәләрлә игтисади әлагәләри инкишаф етдирмәк үчүн истифадә олунмалыдыр. Ҹулфа вә Нурдуз сәрһәд-кечид мәнтәгәләри Иранын Аврасија өлкәләри илә гапысы һесаб олунур. Бу ики кечид мәнтәгәси гоншу өлкәләрлә тиҹарәт әлагәләринин инкишафында бөјүк рол ојнајыр. Худафәрин кечид мәнтәгәси Ҹулфа вә Нурдуз кечид мәнтәгәләри илә јанашы, Шәрги Азәрбајҹан әјаләтинин гоншу өлкәләрлә игтисади мүнасибәтләринин артмасына дәстәк ола биләр. Һазырда әјаләт рәсмиләринин приоритет мәсәләси будур".
342/
30 may 2021 - 14:30
Xəbər kodu: 1145936
Худафәрин сәрһәд-кечид мәнтәгәси јахын ҝәләҹәкдә истифадәјә вериләҹәк. Буну Иранын Шәрги Азәрбајҹан әјаләтинин башчысы Мәһәммәдрза Пурмәһәммәди дејиб.
