АБНА24 Хәбәр Верир, Дөвләт Бахчалынын Шушадакы мәктәблә бағлы ачыгламасы һәр кәсдә тәәҹҹүб јарадыб.
Өзүнүн твиттер һесабында мәлумат јајан МҺП лидери билдириб ки, Азәрбајҹан дөвләти МҺП-нин мәктәб лајиһәсини гәбул етмәјиб, јени лајиһә һазырлајыб. Буна ҝөрә дә МҺП "окул лајиһәсиндән ваз кечир".
Бу ачыглама Азәрбајҹан Республикасында бирмәналы гаршыланмајыб. Журналист Зүмрүд Јағмур сосиал шәбәкәдәки ачыгламасында Азәрбајҹанын Шушада вә Гарабағда мәктәб тикмәк үчүн кимсәјә еһтијаҹы олмадығыны билдириб.
Азәрбајҹан Халг Партијасынын сәдри Пәнаһ Һүсејн исә Фаҹебоок үзәриндән вердији ачыгламада гејд едиб ки, Бахчалынын мәктәб мәсәләсиндәки анлашылмазлыға анында ајдынлыг ҝәтириб һәлл етмәси тәгдирәлајигдир.
Лакин политолог Шаһин Ҹәфәрли мәсәләјә там фәргли призмадан јанашыб. О, өз фаҹебоок сәһифәсиндә јазыб ки, Бахчалы мәсәләни иҹтимаиләшдирмәјә дә биләрди. Буну етмәси, МҺП башганынын Азәрбајҹан һөкумәтинин давранышындан наразы галмасы илә әлагәдардыр.
Политолог сонра јазыр: Түркијә һөкумәти МҺП-нин лајиһәсинә дәстәк верирди, ја јох? Бу барәдә һәр һансы мәлумат јохдур. Башга бир мараглы факт ондан ибарәтдир ки, апрелин 17-дән Азәрбајҹандан Түркијәјә икитәрәфли мүгавилә чәрчивәсиндә тәбии газын нәгли дајаныб. Һалбуки мүгавиләнин мүддәти ҝәлән ил битир.
Јекун олараг белә бир фикир дә сәсләнир ки, рәсми Бакы Русијанын мүмкүн реаксијасындан еһтијатланараг Дөвләт Бахчалынын мәктәб тәклифинә "јох" дејиб.
342/
30 may 2021 - 14:27
Xəbər kodu: 1145932
Түркијәнин Миллијјәтчи Һәрәкат Партијасынын лидери Шушада мәктәб тикдирмәкдән ваз кечиб.
