АБНА24 Хәбәр Верир, Ики һәфтә әрзиндә Фәләстинә һүҹум едән Исраил режиминә Инҝилтәрәдә реаксијалар артмаға давам едир. Инҝилтәрәдәки вәтәндашлар Исраил режиминин силаһлы пилотсуз учуш апаратларынын заводларынын бағланмасыны тәләб едир.
“Бејнәлхалг Анти-Сионист Јәһуди Шәбәкәси” вә “Палестине Аҹтион” адлы һәрәкәт групунун үзвләри, Исраил режиминин мүдафиә ширкәти Елбит Сјстемс-ин пајтахт Лондонун Һолборн бөлҝәсиндәки офиси гаршысында топлашыблар.
“Елбит-и бағла”, “Исраил һәрби ҹинајәткардыр” јазылмыш плакатлар вә Фәләстин бајрагларыны дашыјан нүмајишчиләр “Террорчу Исраил” вә “Азад Фәләстин” шүраларыны сәсләндирибләр.
Сионист Исраил режиминин Әл-Әгса мәсҹиди вә Гәззаја һүҹумларыны да гынајан груп үзвләри, “Елбит Сјстемс”ин Инҝилтәрәдәки ПУА заводларынын бағланмасыны тәләб едибләр.
“Палестине Аҹтион” групунун үзвләри мајын 19-у ширкәтин Лестердәки фабрикиндә бир аксија кечирмиш вә бурада ПУА истеһсалынын дајанмасына сәбәб олмушду.
Гәззада истифадә олунан Һермес адлы ПУА-ларын бу мүәссисәдә истеһсал олундуғуну билдирән фәаллар, мәгсәдләринин ишғалла “иши мүмкүн гәдәр позмаг” олдугларыны билдирмишдиләр.
Мүәссисәнин ичәрисиндән чәкилдији вә ПУА-нын бир һиссәси олараг гејд едилдији шәкилләр групун Твиттер һесабында јајымланмышды.
342/
30 may 2021 - 14:23
Xəbər kodu: 1145928
Фәләстинә һүҹум едән Исраил режиминә Инҝилтәрәдә реаксијалар артмаға давам едир. Инҝилтәрәдәки вәтәндашлар Исраил режиминин силаһлы пилотсуз учуш апаратларынын заводларынын бағланмасыны тәләб едир.
