АБНА24 Хәбәр Верир, тәбрик мәктубунда гејд олунур: "Өлкәнизин милли бајрамы - Республика Ҝүнү мүнасибәтилә Зати-алинизи, дост вә гардаш Азәрбајҹан Республикасы дөвләтини вә халгыны сәмими-гәлбдән тәбрик едирәм.
Өлкәниз мүстәгиллијини бәрпа етдији илк ҝүнләрдән етибарән Иран Ислам Республикасы илә Азәрбајҹан Республикасы ики сәмими гоншу кими тарихи, мәдәни вә дини бағлара әсасланараг, јүксәк сәвијјәли гардашлыг вә меһрибан гоншулуг мүнасибәтләри нүмајиш етдирмишләр. Әмин олдуғуму билдирирәм ки, һәр ики өлкә ҝәләҹәкдә дә зәнҝин мәдәнијјәтимиздән вә гәдим тарихимиздән илһамланараг гаршылыглы анлашма принсипинә, халгларымызын истәјинә ујғун олараг, әмәкдашлығын, сијаси, игтисади вә мәдәни әлагәләрин ҝенишләнмәси, реҝионал сүлһ вә сабитлијин мөһкәмләнмәси истигамәтиндә бирҝә һәрәкәт едәҹәк.
Сонда Аллаһ-тәаладан Зати-алинизә мөһкәм ҹансағлығы вә мүвәффәгијјәтләр, Азәрбајҹан Республикасынын шәрафәтли халгына исә хош ҝүнләр арзулајырам".
342/
27 may 2021 - 14:01
Xəbər kodu: 1144911
Иран Ислам Республикасынын президенти Республика Ҝүнү мүнасибәтилә Илһам Әлијевә тәбрик мәктубу үнванлајыб.
