АБНА24 Хәбәр Верир, Азәрбајҹан Респубикасынын Мүдафиә Назирлији мајын 27-дә Ермәнистан-Азәрбајҹан дөвләт сәрһәдинин Кәлбәҹәр рајону саһәсиндә Ермәнистан силаһлы гүввәләринин кәшфијјат-диверсија групларынын дөвләт сәрһәдини кечмәсиндән хәбәр вериб. Мүдафиә Назирлијинин јајдығы мәлуматда дејилир ки, сөзү ҝедән диверсија груплары саат 03:00 радәләриндә Азәрбајҹан Республикасы дөвләт сәрһәдини кечиб вә Азәрбајҹан әразиләринин дахилиндә миналама ишләрини вә диҝәр тәхрибат әмәлләрини апармаға ҹәһд ҝөстәриб.
Бәјанатда дејилилр ки, Ермәнистан ордусунун 9 вә 15 һәрби гуллугчудан ибарәт олан ики групу Азәрбајҹан јолларында миналама фәалијјәти һәјата кечирәркән онлара гаршы Азәрбајҹан Ордусунун бөлмәләри тәрәфиндән әмәлијјат тәдбирләри ҝөрүлүб.
Нәтиҹәдә дүшмәнин биринҹи кәшфијјат-диверсија групундан 1-и забит олмагла 4, диҝәриндән исә 2 һәрби гуллугчу, үмумиликдә 6 нәфәр тәрксилаһ едиләрәк сахланылыб. Диҝәр ермәни һәрби гуллугчуларынын Азәрбајҹан әразиләрини дәрһал тәрк едәрәк ҝеријә чәкилдикләри билдирилиб.
Азәрбајҹан Мүдафиә Назирлијинин бу ҝүн сәһәр саатларында 6 ермәни диверсантын јахаланмасы барәдә рәсми ачыгламасына Ермәнистан МН реаксија вериб.
Ермәнистан һәмин шәхсләрин диверсант дејил, истеһкамчы олдуғуну, Азәрбајҹан әразисинә кечмәдијини, Ҝегаркуникдә “истеһкам ишләри илә бағлы” чалышдыгларыны јајыб.
Диҝәр тәрәфдән Азәрбајҹан Республикасы медиалары Мүдафиә Назирлијинә истинадән билдирирләр ки, Сәһәр саатларында сәрһәд јахынлығында Ермәнистан силаһлы гүввәләринин танклар да дахил олмагла бир нечә дөјүш техникасынын ҹәмләшмәси мүшаһидә едилиб. Һәмин мәлумата әсасән сөзү ҝедән техниканын һәрәкәтинин гаршысы алыныб.
342/
27 may 2021 - 14:00
Xəbər kodu: 1144910
Азәрбајҹан Республикасы илә Ермәнистанын дөвләт сәрһәддиндә нөвбәти инсидент баш вериб.
