АБНА24 Хәбәр Верир, Ислам Ингиабынын Бөјүк Рәһбәри Һәзрәт Ајәтуллаһулузма Хаменеи бу ҝүн сәһәр Иран Ислам Шурасы Мәҹлисинин сәдри вә үзвләри илә видео форматда кечирилән ҝөрүшдә чыхыш едибләр.
О һәзрәт сечкиләрлә бағлы сон мәсәләләр барәдә олан бу мүһүм чыхышда намизәдләрин сечки програмларында халгын мәишәт вә игтисади проблемләри һагда дәгиг вә реал һәлл јолларынын бәјан едилмәсини сечкиләрдә иштирак стимулунун артмасында әсас амил адландырыблар.
Ислам Ингиабынын Бөјүк Рәһбәри сечки рәгабәтләри илә бағлы зәрури вә гејри-зәрури мәсәләләри бәјан едәрәк вурғулајыблар ки, сечкиләрин тәсири илләр боју халгын вә өлкәнин һәјатына көлкә салаҹаг; үмид едирәм ки, 18 ијун сечкиләри дүшмәнләрин истәдикләринин әксинә олараг, Иранын абры, иззәти вә башыуҹалығы мәнбәји олаҹаг.
О һәзрәт он биринҹи парламентин фәалијјәтинин икинҹи илинин башланғыҹында һәјата кечән бу ҝөрүшдә һәмчинин халгын Иран Ислам Шурасы Мәҹлисиндәки нүмајәндәләринә «фајдалы вә хәлги олмаг», «интенсив сәј», һабелә «ингилабчы вә агиланә һәрәкәт» кими өзәлликләрин давам етмәси үчүн төвсијәләр верәрәк билдирибләр ки, бүтүн мәҹлисләр, бөјүк Имамын бујурдуглары кими, өзләрини халгын чохсајлы вә парлаг фәзиләтләринин нәтиҹәси гәрар вермәлидирләр.
Һәзрәт Ајәтуллаһулузма Хаменеи гејд едибләр ки, бәзи шәхсләрин сәлаһијјәт газана билмәмәләри, онларын сәлаһијјәтсиз олмалары демәк дејилдир. Әслиндә бу, о демәкдир ки, Ниҝәһбан Шурасы өз мәлуматлары вә имканларына ҝөрә, һәмин шәхсләрин сәлаһијјәтләрини мүәјјән едә билмәјибдир, јохса һәмин шәхсләр даһа јүксәк сәлаһијјәтә дә малик олмуш ола биләрләр.
Һәзрәт Ајәтуллаһулузма Хаменеи дүшмәнләрин ингилабын гәләбәсинин әввәлиндән, хүсусән Әсас Ганунун дәјишдирилмәсиндән вә дөвләтин идарәси үзрә иҹра вәзифәләринин президенти һәвалә олунмасындан сонра сечкиләрә гаршы олдугларына ишарә илә белә дејибләр: Бу 42 илдә дүшмәнләрин тәблиғат үзрә иш ҝүндәми белә олубдур ки, сечкиләрдән өнҹә дејирләр ки, халг сечкиләрдә иштирак етмәјәҹәк. Халгын сечкиләрдә иштирак етмәсиндән сонра исә дејирләр ки, сечкиләр мүһәндисләшдирилмишди; президент сечилән шәхс барәдә дә дејирләр ки, онун ихтијары јохдур.
О һәзрәт вурғулајыблар ки, бүтүн бу тәблиғатлара вә дүшмәнчиликләрә рәғмән, һамынын вәзифәси будур ки, Аллаһ-Тааланын разылығы вә шәри борҹ олан мәсәләни изләјәк вә вәзифәмизи јеринә јетирәк.
342/
27 may 2021 - 13:57
Xəbər kodu: 1144906
Ислам Ингиабынын Бөјүк Рәһбәри халга хитабән дејибләр ки, сечки мәнтәгәләринә ҝетмәмәјә рәваҹ верән кәсләрин халга үрәкләри јанмыр. Халга үрәк јандыран кәс халга сечки мәнтәгәләринә ҝетмәји гадаған етмәз.
