Али Мәгамлы Рәһбәр Фәләстин халгынын сон сынагдан да башыуҹа чыхдығыны билдирмишләр

АБНА24 Хәбәр Верир, Фәләстин халгына вә мүбариз груплара үнванланан мүраҹиәтдә онларын јенидән гәләбә чалдыгларыны олдугҹа мүһүм һадисә адландыран Һәзрәт Ајәтуллаһүл-үзма Хаменеи јазыблар: "Бу бир нечә ҝүнлүк сынаг Фәләстин халгыны башыуҹа етди. Вәһши вә ҹанавар хисләтли дүшмән ваһид Фәләстинин гијамы гаршысында ҝүҹсүздүр. Гүдс вә Гәрб саһилинин Гәззә, 1948-ҹи илдә ишғал олунмуш әразиләр вә гачгын дүшәрҝәләри илә әмәкдашлыг сынағы фәләстинлиләр үчүн ҝәләҹәк үчүн чыхыш јолуну ҝөстәрди."

Ингилан Рәһбәри өз мүраҹиәтиндә сон мүһарибәнин ортаја гојудуғу нәтиҹәләрә тохунмушлар. “Сионистләр дәлиҹәсинә вә алчагҹасына һәрәкәтләрә јол верәрәк дүнја иҹтимаијјәтинин дүшүнҹәсини өзүнә гаршы галдырыр, өзүнә вә өз архасында дајанан Гәрб дөвләтләринә, хүсуси илә, ҹинајәткар Америкаја гаршы даһа чох нифрәт јарадыр. Ишғалчы Исраил режими мәғлубијјәти гәбул етмәјә мәҹбур олду. Хәбис режим бундан да зәиф олаҹаг”- дејә Али Мәгамлы Рәһбәр вурғуламышлар.

О Һәзрәт сонра фәләстинли мүбаризләри ишғалчы режимә гаршы даһа да гәтијјәтли олмаға, Ислам Дүнјасыны исә онлара дәстәк вермәјә чағырмыш вә гејд етмишләр: “Һазырлыглар вә сәһнәдә ҝүҹлү иштирак һеч вахт дајандырылмамалыдыр. Ислам дүнјасы исә Фәләстин мәсәләсиндә тамамилә мәсулијјәт дашыјыр вә бу,онларын дини вәзифәсидир. Мүсәлман дөвләтләри истәр һәрби ҝүҹләндирмәдә, истәр кечмишдә олдуғундан даһа чох ҝүнүмүздә еһтијаҹ дујулан мадди дәстәкдә, истәрсә дә Гәззәдәки дағынтыларын вә инфраструктурун јенидән гурулмасында Фәләстин халгыны дәстәкләмәкдә сәдагәтлә мејдана ҝәлмәлидирләр.”

Фәләстинә дәстәклә бағлы мүсәлман халгларын үзәринә дүшән вәзифәјә ҝәлинҹә, Һәзрәт Ајәтуллаһүл-үзма Хаменеи билдирибләр ки, мүсәлман халглар бу вәзифәни јеринә јетирмәји өз дөвләтләриндән тәләб етмәлидир. Халглар өзү дә имкан дахилиндә сијаси вә малијјә бахымдан јардым етмәјә борҹлудурлар.

Ингилаб Рәһбәри сонда террорчу режим башчыларынын сон ҹинајәтләрә ҝөрә ҹәзаландырылмаларыны, режимин бүтүн нүфузлу үнсүрләри вә шәхсән ҹинајәткар Нетанјаһунун бејнәлхалг вә мүстәгил мәһкәмәләр тәрәфиндән мүһакимә олунмаларыны тәләб етмишләр.

342/