АБНА24 Хәбәр Верир, Һәзрәт Ајәтуллаһүл-үзма Хаменеинин Фәләстин халгына вә мүбариз груплара үнванладығы мүраҹиәтдә дејилир:
"Бисмиллаһир-Рәһманир-Рәһим. Гүдрәтли вә мәзлум Фәләстинә салам олсун; Гејрәтли вә горхмаз Фәләстин ҝәнҹләринә салам олсун; Гәһрәманлыг вә мүгавимәт ҝөстәрән Гәззәјә салам олсун, ҺӘМАС-а, ҹиһад вә Фәләстинин бүтүн сијаси вә мүбаризә групларына салам олсун.
Фәләстинли мүҹаһидләрә иззәт вә јардымлары үчүн гадир вә әзиз Аллаһа тәшәккүр едирәм. Мүтәал Аллаһдан шәһид аиләләринә арамлыг вә архајынлыг, шәһидләр үчүн рәһмәт вә мүждә, јаралылар үчүн шифа диләјир вә ҹинајәткар Сионист режимин үзәриндәки гәләбә мүнасибәтилә тәбрик дејирәм.
Бу бир нечә ҝүнлүк сынаг Фәләстин халгыны башыуҹа етди. Вәһши вә ҹанавар хисләтли дүшмән ваһид Фәләстинин гијамы гаршысында ҝүҹсүздүр. Гүдс вә Гәрб саһилинин Гәззә, 1948-ҹи илдә ишғал олунмуш әразиләр вә гачгын дүшәрҝәләри илә әмәкдашлыг сынағы фәләстинлиләр үчүн ҝәләҹәк үчүн чыхыш јолуну ҝөстәрди.
Бу 12 ҝүндә зүлмкар режим, хүсусән, Гәззәдә бөјүк ҹинајәтләр төрәтди вә сүбут етди ки, Фәләстинин бирҝә гијамынын гаршысында ҝүҹсүз олдуғу үчүн бу кими дәлиҹәсинә вә алчагҹасына һәрәкәтләрә јол верәрәк дүнја иҹтимаијјәтинин дүшүнҹәсини өзүнә гаршы галдырыр, өзүнә вә өз архасында дајанан Гәрб дөвләтләринә, хүсуси илә, ҹинајәткар Америкаја гаршы даһа чох нифрәт јарадыр.
Ҹинајәтләрин давамы вә атәшкәс тәләби - һәр икиси онун мәғлубијјәтинин ҝөстәриҹисидир. О (ишғалчы Исраил режими), мәғлубијјәти гәбул етмәјә мәҹбур олду. Хәбис режим бундан да зәиф олаҹаг. Фәләстинли ҝәнҹләрин һазырлығы, бүтүн мүбаризә групларынын ҝүҹ нүмајиши, давамлы ҝүҹ ҝөстәриҹиләри Фәләстини ҝүнбәҝүн даһа да ҝүҹлү, гәсбкар дүшмәни исә ҝүҹсүз вә зәиф едәҹәкдир.
Гаршыдурмаларын башланма вә дајандырма вахты Фәләстинин сијаси вә мүбаризә елитасынын тәјининдән асылыдыр. Лакин һазырлыглар вә сәһнәдә ҝүҹлү иштирак һеч вахт дајандырылмамалыдыр. Муздлу гәсәбә сакинләринин һүҹумлары вә һеҝемон режим гаршысында мүгавимәт үчүн "Шејх Ҹәрраһ" бөлҝәсиндәки тәҹрүбә Фәләстинин гејрәтли халгынын һәмишәлик тәлиматы олмалыдыр. Шејх Ҹәрраһ бөлҝәсинин ҹомәрд әһалисинә салам ҝөндәрирәм.
Ислам дүнјасы Фәләстин мәсәләсиндә тамамилә мәсулијјәт дашыјыр вә бу,онларын дини вәзифәсидир. Сијаси тәфәккүр вә һакимијјәт тәҹрүбәләри дә бу шәри һөкмү тәсдигләјир вә она тәкид едир. Мүсәлман дөвләтләри истәр һәрби ҝүҹләндирмәдә, истәр кечмишдә олдуғундан даһа чох ҝүнүмүздә еһтијаҹ дујулан мадди дәстәкдә, истәрсә дә Гәззәдәки дағынтыларын вә инфраструктурун јенидән гурулмасында Фәләстин халгыны дәстәкләмәкдә сәдагәтлә мејдана ҝәлмәлидирләр.
Бу дини вә сијаси истәји халглар да дәстәкләмәли вә тәләб етмәлидир. Мүсәлман халглар бу вәзифәни јеринә јетирмәји өз дөвләтләриндән тәләб етмәлидир. Халглар өзү дә имкан дахилиндә сијаси вә малијјә бахымдан јардым етмәјә борҹлудурлар.
Диҝәр бир ваҹиб өһдәлик исә террорчу вә гәддар сионист һөкумәтинин ҹәзаландырылмасыны тәмин етмәкдир. Бүтүн ајыг виҹданлар бу 12 ҝүндә фәләстинли ушаглары вә гадынлары өлдүрмәк кими ағыр ҹинајәтин ҹәзасыз галмамалы олдуғуну гәбул едирләр. Режимин бүтүн нүфузлу үнсүрләри вә шәхсән ҹинајәткар Нетанјаһу бејнәлхалг вә мүстәгил мәһкәмәләр тәрәфиндән мүһакимә олунмалы вә ҹәзаландырылмалыдыр. Бу, Аллаһын гүдрәти сајәсиндә ҝерчәкләшәҹәк вә Аллаһ Өз ишиндә галибдир"
342/
22 may 2021 - 19:29
Xəbər kodu: 1143385
Иран Ислам Ингилабынын Бөјүк Рәһбәри Фәләстин Мүгавимәтинин 12 ҝүн узанан мүһарибәдә гәләбәсини тәбрик едибләр.
