АБНА24 Хәбәр Верир, депутат өз мәгаләсиндә фикирләрини әсасландырмаға чалышыб. О јазыр ки, Түркијәнин ҝүндәмә ҝәтирдији “Исраили дурдурмаг” чағырышлары узагдан сәсләнән сөјүшдән вә тәсәллидән башга бир ишә јарамамагдадыр. Исраил өзү дурмајынҹа, дурдураҹаг ҝүҹ исә һәлә ки, үфүгдә ҝөрүнмүр.
Сијасәтчи сонра Түркијәни мүнагишәни көрүкләмәкдә иттиһам едиб. “Мәсәләни орадан-бурадан гызышдырмагла дејил, ҝедән ҹан фәләстинлинин ҹаныдыр, ону гејри-бәрабәр савашын гурбанына чевирмәклә нә Гүдсүн, нә дә Мәсҹиди-Әгсанын талејиндә бир дәјишиклик етмәк мүмкүндүр”-дејә милләт вәкили вурғулајыб.
Фазил Мустафа өз мәгаләсинин давамында Азәрбајҹандакы Фәләстин тәрәфдарларына Исраил режимини ифша етмәләри илә бағлы хәбәрдарлыг едиб вә билдириб: “Биз Исраиллә јәһуди дөвләти кими дејил, бизә дәстәк верән, јени технолоҝија силаһларыны сатан вә савашда галиб ҝәлмәмиздә ролу олан бир дөвләт кими бахырыгса вә буна ҝөрә дост дөвләт һесаб едириксә, гафасы гоншу өлкәләрдән идарә олунанларын мәгсәдјөнлү тәблиғатына аләт оланлар бир даһа бу мөвзуда ҹидди дүшүнмәлидирләр.”
Мәгаләнин сонунда мүсәлманлара сионистләрин ишғалы факты илә барышмалары төвсијә олунур. “Индијәдәк Фәләстин мәсәләси илә бағлы онларла гәтнамә гәбул едилиб, бирҹә бәндини белә реаллашдыра билмәјибләр. Он минләрлә инсанын евсиз-ешиксиз галмасы, јүзләрлә инсанын өлүмү инсан олараг ичимизи сызладыр, анҹаг әлимиздән ҝәлән бир иш дә јох”- дејә депутат өз фикирләрини јекунлашдырыб.
342/
18 may 2021 - 20:53
Xəbər kodu: 1142291
Азәрбајҹан Милли Мәҹлисинин үзвү, депутат Фазил Мустафа Ахар.аз-да дәрҹ олунан мәгаләсиндә Түркијә Ҹүмһуријјәтинин сионист Исраил режими илә бағлы мөвгејини кәскин шәкилдә тәнгид едиб.
