АБНА24 Хәбәр Верир, Гәззә золағы дүнән ҝеҹә вә бу ҝүн сәһәр саатларында мүһарибә, артиллерија атәши вә ағыр һава һүҹумларына сәһнә олуб, һансы ки, бир һәфтә әввәлдән вә Гүдсдә Исраил режими һәрбчиләринин вә гәсәбә сакинләринин тәһрикедиҹи һәрәкәтләри илә башлајыб.
Хәбәр аҝентликләриндән верилән мәлуматлара ҝөрә, тоггушмаларда бу ҝүнә гәдәр ән азы 200 ҝүнаһсыз фәләстинли шәһид олуб вә фәләстинли мүбаризләр сионист режимин ҹинајәтләринә ҹаваб олараг, индијә кими ишғал олунмуш әразиләрә 3000-дән чох ракет атыблар.
Исраил режиминин рәсмиләри етираф едибләр ки, һеч вахт ејни заманда бу һәҹмдә ракек ишғал олунмуш әразиләрә атылмајыб.
Диҝәр тәрәфдән сионист режимин баш назири Бенјамин Нетанјаһу бир даһа Гәззә золағы вә "террорчу групларын мөвгеләри" адландырдығы мәканлара һүҹумларын там ҝүҹлә давам едәҹәјини вурғулајыб вә беләликлә "Әл-Ҹәзирә" хәбәр каналы вә "Ассоҹиатед Пресс" хәбәр аҝентлијинин офисләринин јерләшдији 13 мәртәбәли бинанын дағыдылмасыны әсасландырмаға чалышыб.
Ејни заманда јајылан мәлуматлара ҝөрә, сионист режим дүнән ҝеҹә Гәззә золағына гаршы ҝениш вә ағыр һүҹумлар һәјата кечириб вә Фәләстин мүһасирәјә алынмыш әразиләринин бөјүк һиссәсини мәһв едиб.
"Франс Пресс"-ин мәлуматына ҝөрә, һава һүҹумлары нәтиҹәсиндә Гәзза золағынын бир һиссәсиндә електрик енержиси кәсилиб.
Гәззә золағына вәһшиҹәсинә һүҹумлар елә бир һалда давам едир ки, Фәләстинин Сәһијјә Назирлијинин билдирдијинә ҝөрә, базар ҝүнү Исраил ордусунун һава һүҹумлары вә артиллерија атәшләри нәтиҹәсиндә сәккиз ушаг вә ики һәким олмагла 42 Гәзза сакини шәһид олуб.
"Франс Пресс"-ын мәлуматында дејилир ки, сионист режимин гырыҹылары базар ертәси ҝүнү сәһәр саатларында Гәзза золағында онларла әввәлҹәдән тәјин олунмуш мөвгеләри һәдәфә алыблар.
Јерли шаһидләрин дедијинә ҝөрә, сионист режимин дүнән ҝеҹә вә буҝүнкү һүҹумлары ағыр хәсарәтләрлә нәтиҹәләниб.
Гәззәдә мүһарибә елә бир һалда давам едир ки, бејнәлхалг иҹтимаијјәтин вә бејнәлхалг гурумларын, һабелә БМТ баш катибинин һәрби әмәлијјатларын дәрһал дајандырылмасы чағырышлары Исраил режими тәрәфиндән һәлә дә мүсбәт ҹавабла гаршыланмајыб вә БМТ Тәһлүкәсизлик Шурасынын Гәзза бөһраныны мүзакирә етмәк үчүн базар ҝүнү кечирилән үчүнҹү хүсуси иҹласы бир даһа ортаг бир бәјанатын үзәриндә консенсус олмадан нәтиҹәсиз сона чатыб.
Ислам Әмәкдашлыг Тәшкилаты (ИӘТ) хариҹи ишләр назирләри дә базар ҝүнү Гәззәјә едилән ганлы һүҹумлары гынајыб, бөһрана ҝөрә Исраил режимини ҝүнаһландырыб вә дөјүшләри дәрһал дајандырмаға чағырыб.
342/
17 may 2021 - 20:12
Xəbər kodu: 1141932
Исраил режиминин ҹинајәткар ордусу бу ҝүн сәһәр саатларында Гәззә золағына ән ағыр һава зәрбәләри ендириб.
