АБНА24 Хәбәр Верир, Бәјанатда 2-ҹи дүнја мүһарибәси заманы совет иттифагына гаршы насистләрлә әмәкдашлыг едәнләрин гәһрәманлашдырылмасы тәнгид едиләрәк дејилир: Азәрбајҹан Икинҹи Дүнја мүһарибәси һаггында һәгигәти тәһриф етмәк, фашизмә бәраәт газандырмаг вә фашист ҹаниләрини гәһрәманлашдырмаг ҹәһдләрини гәтијјәтлә писләјир.
ХИН бәјанатында дејилир: “Биз хүсусилә бөлҝәмиздә насист һәрәкатынын вә насист һәрәкаты илә әмәкдашлыг едәнләрин һәр һансы бир формада гәһрәманлашдырылмасы һалларыны гынајырыг. Азәрбајҹан БМТ Баш Ассамблејасынын “Насизмин гәһрәманлашдырылмасына, неонасизмә вә иргчилик, ирги ајры-сечкилик, ксенофобија вә онларла әлагәли дөзүмсүзлүјүн мүасир формаларынын јајылмасына тәкан верән диҝәр һаллара гаршы мүбаризә” гәтнамәсини даим дәстәкләјир вә һесаб едирик ки, белә нараһатлыг доғуран мејлләрин арадан галдырылмасында бирҝә сәјләримиз мүһүм рол ојнаја биләр.
Хариҹи Ишләр Назирлиинин бәјанатындакы фашист ҹани, әслиндә Гареҝин Нждејә ишарәдир.
Хатырладаг ки, Хоҹавәнд рајонунун мәркәзиндә азәрбајҹанлылара гаршы 1918-1920-ҹи илләрдә сојгырымы төрәтмиш Гареҝин Нждејә һејкәл уҹалдылыб.
Гареҝин Нжде Һитлер Алманијасы илә әмәкдашлыг етдији үчүн Совет Иттифагы мәһкәмәси тәрәфиндән һәбсә мәһкум олунмушду.
342/
9 may 2021 - 21:50
Xəbər kodu: 1139386
Азәрбајҹан Республикасы Хариҹи Ишләр Назирлији насист Алманија үзәриндә гәләбәнин илдөнүмү ҝүнү мүнасибәти илә јајдығы бәјанатда насистләрлә әмәкдашлыг едәнләрин гәһрәманлашдырылмасыны гынајыб.
