АБНА24 Хәбәр Верир, Авропа Иттифагынын хариҹи сијасәт вә тәһлүкәсизлик мәсәләләри үзрә координатору Ҹозеп Боррел бир бәјанатда билдириб ки, зоракылыг вә зоракылыға тәһрик етмә јолверилмәздир вә сәбәбкарлар мәсулијјәти өз үзәрләринә ҝөтүрмәлидирләр".
О, әлавә едиб: "Авропа Иттифагы Исраили ҝәрҝинлији азалтмаг үчүн дәрһал һәрәкәтә кечмәјә чағырыр".
Авропа Иттифагынын баш дипломаты сөзләринин давамында дејиб: "Һәр ики тәрәфин сијаси, дини вә иҹма рәсмиләри тәмкинли вә мәсулијјәтли олмалыдырлар вә партлајышын астанасында олан һазыркы вәзијјәти сакитләшдирмәк үчүн бүтүн сәјләрини сәфәрбәр етмәлидирләр".
Авропа Иттифагы, һәмчинин јәһуди гәсәбә сакинләрини јерләшдирмәк мәгсәдилә Шәрги Гүдсүн Шејх Ҹәрраһ вә диҝәр мәһәлләләриндән фәләстинли аиләләрин говулмасы илә бағлы ҹидди нараһатлыг ифадә едиб.
Ҹозеп Боррел хәбәрдарлыг едиб ки, бу һәрәкәтләр бејнәлхалг һуманитар һүгуга ујғун дејил вә јалныз ҝәрҝинлији артырыр.
342/
8 may 2021 - 20:49
Xəbər kodu: 1139013
Авропа Иттифагы ҹүмә ҝүнү Әл-Әгса мәсҹидинин һәјәтиндә Исраил режими һәрбчиләри илә фәләстинлиләр арасында баш верән шиддәтли тоггушмалары гынајыб вә ҝәрҝинлији дәрһал азалтмаға чағырыб.
