АБНА24 Хәбәр Верир, “Спутник Арменија”ја истинадән билдирир ки, буну Ермәнистанын баш назири вәзифәсини иҹра едән Никол Пашинјан парламентдә һөкумәт сааты заманы дејиб. Пашинјан Саркисјанын 2016-ҹы илин нојабрында "Русија бу ҝүн" аҝентлијинә вердији мүсаһибәни хатырладыб вә дејиб: "Саркисјан дејир ки, онлар Азәрбајҹана 7 рајону тәһвил вермәјә һазыр идиләр. Амма Азәрбајҹан даһа чох тәләб едирди. Саркисјан һәр дәфә Азәрбајҹанын јени тәләбләр ирәли сүрдүјүнү дејир. Мән сизә даһа артығыны дејәҹәјәм – Серж Саркисјан Азәрбајҹана даһа чох, һәтта Гарабағын јарысына гәдәрини верирди, амма Азәрбајҹан "јох" деди". О сонра Роберт Кочарјаны вә Серж Саркисјаны Дағлыг Гарабағы өз шәхси мараглары наминә "сатмыш" сатгынлар адландырыб. Пашинјанын сөзләринә ҝөрә, кечмиш сәлаһијјәтлиләр ермәниләрә ҝенетик сәвијјәдә мүһарибә горхусу ашылајыблар. О, Саркисјанын “пис данышыглар һәмишә јахшы мүһарибәдән даһа јахшыдыр” ифадәсини хатырладыб. Онун фикринҹә, Гарабағ мүнагишәсинин һәлли илә бағлы данышыглары мәһз әввәлки һакимијјәт далана дирәмишди вә бунун нәтиҹәсиндә дә Азәрбајҹанла мүһарибә гачылмаз олду. Ермәнистанда Икинҹи Гарабағ мүһарибәсинин нәтиҹәси үстүндә сијаси бөһран давам едир. 20 ијун сечкиләриндән сонра исә бунун һансы мүстәвијә кечәҹәји һәлә бәлли дејил.
342/
