АБНА24 Хәбәр Верир, нин мәлуматына әсасән,Түркијәнин мүдафиә назири Һулуси Акар АБШ президентинин “ермәни сојгырымы”-ны танымасына мүнасибәт билдириб. Һулуси Акар сијасәтчиләрин тарихчи ола билмәјәҹәкләрини вурғулајараг дејиб: “Тарихдәки бүтүн мәлуматлар, сәнәдләр, мүшаһидәләр 1915-ҹи илдә белә бир һадисәнин олмадығыны ачыг вә ајдын шәкилдә ҝөстәрир. Түркијәнин мүдафиә назири АБШ президенти Ҹо Бајденин 24 апрелдә вердији бәјанатда “ермәни сојгырымы” иддиасыны танымасына тохунараг дејиб: “Америкалыларын бу мәсәлә илә бағлы вердикләри бәјанат өз тарихләрини, имзаладыглары мүгавиләләри вә сәнәдләри инкар етмәк мәнасына ҝәлир. Һулуси Акар сонра дејиб:” Американларын НАРА адлы мәшһур архивләриндә мәсәлә илә бағлы һесабат мөвҹуддур. Америкалылар вә инҝилисләрин 1914-15-ҹи вә 1920-ҹи илдә вердикләри һесабатда билдирилир ки, “Түркләр вә ермәниләр 500 ил бәрабәр јашајыблар. Әҝәр биз гарышмасајдыг, мүдахилә етмәсәјдик, онлар даһа 500 ил бирҝә јашаја биләрдиләр”. Һадисәләри тәһриф едәрәк тарихи дәјишдирәҹәкләрини дүшүнәнләр сәһв едирләр. Онлар гәфләт вә ҹәһаләтдән ојанмалыдырлар”.
342/
