АБНА24 Хәбәр Верир, депутат трибунадан резин ајаггабы нүмајиш етдирәрәк, буну Русија илә мүгајисә едиб. Бабаҹанјан Ермәнистан силаһлы гүввәләринин Русија ордусу моделиндә јенидән гурулмасыны тәнгид едиб. О дејиб: “Билирсиниз бу нәдир? Бу, Русија истеһсалы олан галошдур. Инди бу галошлары модернләшдирмәк, јениләмәк истәјирсиниз. Галошлар дәјишдирилсә дә, онлар модернләшдирилмиш, ја да наногалошлар олараг галаҹаглар”. Бунунла белә, ермәни депутат гејд едиб ки, силаһлы гүввәләрдә ислаһатларын апарылмасы Русијанын көмәјилә едилмәлидир, амма ордунун гурулмасында башга истигамәтләрә дә бахылмалыдыр: “Силаһлы гүввәләримизә реал модернләшмә үчүн јени шәраитләр јарадын”. Хатырладаг ки, Ермәнистанда сечкиләр јахынлашдыгҹа анти-Русија истерикасы јенидән ара-сыра мүхтәлиф формада өзүнү ҝөстәрир. Ҝөрүнән одур ки, Бајденин гондарма “сојгырым”ла бағлы мәлум ачыгламасындан сонра бу кими һаллар артмаға доғру ҝедир. Белә ки, ермәни сијасәтчиләр АБШ-ла јанашы Русијадан да ҝүҹлү дәстәк ҝөзләјирләр. Мүшаһидәчиләр билдирирләр ки, Ермәнистан сијасәтчиләри бөјүк ҝүҹләрин Ҹәнубу Гафгаза нәзарәт үстүндә рәгабәт апардыгларыны дәрк етмәкдә чәтинлик чәкирләр. Әслиндә Бајденин гондарма ермәни сојгырымыны танымасы ҝеосијаси ојунун тәркиб һиссәси кими гијмәтләндирилмәлидир. Русија исә Ермәнистанла мүнасибәтләрини һәмин әсасда давам етдирир вә орада Гәрбин нүфузунун гаршысыны алмаға чалышыр.
342/
