АБНА24 Хәбәр Верир, Тәсним хәбәр аҝентлијинин мәлуматына ҝөрә, "НБҸ НЕWС"ун апардығы ән сон рәј сорғусунун нәтиҹәләри ҝөстәрир ки, АБШ вәтәндашларынын 82 фаизи Бирләшмиш штатларын тәфригә вә парчаланма илә үзләшдији гәнаәтиндәдир. Мәлумата әсасән, рәј сорғусунда иштирак едәнләрин 30 фаизи дејибләр ки, һазырда бу өлкәнин ән мүһүм мәсәләси коронавирусун јајылмасыдыр. Респондентләрин фикринҹә икинҹи ән ваҹиб мәсәлә өлкәнин бирләшдирилмәсидир вә 23 фаиз дә һазыркы шәраитдә ирги мүнасибәтләрин АБШ-ын ән ваҹиб мәсәләси олдуғуну сөјләјибләр. Ҹо Бајденин президентлијиндән 100 ҝүн кечмәсинә бахмајараг, америкалы сечиҹиләр онун фәалијјәти илә бағлы бахышларыны дәјишибләр. Әксәр америкалылар, Бајденин коронавирусла мүбаризә сијасәти, һәмчинин өлкәни бирләшдирмәк сәјләриндән мәмнун олдугларыны билдирибләр. Бу елә бир һалдадыр ки, америкалыларын тәкҹә 49 фаизи Бајденин ирги мүнасибәтләрин һәллиндәки фәалијјәтини бәјәнирләр. Респондентләрин 33 фаиздән азы президентин миграсија бөһраны вә сәрһәдләрин тәһлүкәсизлији илә бағлы фәалијјәти һаггында мүсбәт фикир билдириб. Америкалыларын тәкҹә 34 фаизи Бајденин силаһлы зоракылыгла мүбаризәсиндән разыдырлар. Америкалыларын 35 фаизи Бајденин Чин гаршысындакы стратеҝијасыны бәјәнир. Бундан әввәл республикачы сенатор Линдсеј Ҝраһам Бајденин, президентлији дөврүнүн 100 ҝүнлүјү илә әлагәдар Конгресдәки чыхышы әрәфәсиндә онун мүхтәлиф дахили мәсәләләр вә хариҹи сијасәтдәки фәалијјәтини тәнгид етмишди.
342/
