АБНА24 Хәбәр Верир, ҝенерал Һүсејн Деһган ҹүмәахшамы ҝүнкү (15 апрел) Јәмәнин Әл-Мәсирә шәбәкәсинә вердији мүсаһибәсиндә, Ирана гаршы истәнилән дүшмәнчилик һәрәкәти барәдә хәбәрдарлыг едәрәк, белә дејиб: “Һәр һансы дүшмән һәрәкәти доғру јердә вә вахтда сәрт вә практик ҹавабла гаршыланаҹаг ки, (дүшмән) артыг бу һәрәкәти тәкрар етмәсин. Иран истәнилән тәһлүкә вә тәҹавүзлә гаршылашмаға там һазырдыр вә гүввәләримиз бүтүн дүшмән һәрәкәтләри изләјир”. Иранын сабиг мүдафиә назири Иранын һәр һансы тәҹавүзә гаршы планынын олдуғуну вурғулајараг, белә дејиб: “Иранын ракет ҝүҹү гырмызы хәттдир вә мүзакирә едилә билмәз. Бу битди. Иран ракетләринин мәсафәсини артырмаг тәһдидләрлә әлагәлидир вә ракетләримизи үзләшдијимиз тәһлүкә нөвүнә ҝөрә артырырыг. Күтләви гырғын силаһларындан башга әлдә етмәјә чалышмадығымыз силаһ мәһдудијјәтимиз јохдур. Натанза едилән һүҹуму кимин мәсулијјәт дашыдығынын вә ја инкар етмәсинин һеч бир әһәмијјәти јохдур, бу һүҹумун Јәһуди-Әрәб-Америка үчбуҹағы чәрчивәсиндә баш вермәси вә АБШ-ын ондан чәкинмәмәси мүһүмдүр. Дүшмән режиминин су сәтһиндә ҝәмиләримизә һүҹум етмәсиндә мәгсәд ҝәрҝинлик вә мүһарибә атмосфери јаратмагдыр вә гаршы тәрәфдән реаксија ҝәлсә, бу тәбии бир реаксијадыр. Деһган мүсаһибәнин башга һиссәсиндә Сурија гүввәләринә мәсләһәтчилик етмәк үчүн Иран гүввәләринин мөвҹудлуғуна тохунуб вә бунунла бағлы белә данышыб: “Суријада мәсләһәтчилик сәвијјәсиндә мөвҹудлуғумуз, Сурија һөкумәти биздән хаһиш етдији мүддәтдә давам едәҹәк”. Ҝенерал Деһган уранын 60% зәнҝинләшдирилмәси илә бағлы Иран рәсмиләринин ачыгламаларына да мүнасибәт билдириб: “Иранын зәнҝинләшдирмәни 60%-ә галдырмаг үчүн атдығы аддым бөлҝә өлкәләри үчүн тәһлүкә дејил вә әксинә, бөлҝә өлкәләрини өзүмүз үчүн тәһлүкә олараг гәбул етмирик. Бөлҝәдәки јад гүввәләрин олмасы бүтүн проблемләрин вә ҝәрҝинлијин сәбәбидир. Мүдафиә габилијјәтимиз бөлҝәнин марағындадыр вә Ислам өлкәләринә гаршы олмајаҹаг. 342/ Сәудијјә Әрәбистаны (Сәуд режими) бизим дүшмәнимиз дејил, анҹаг әрәб-гәрб-сионист коалисијасы чәрчивәсиндә јарамаз һәрәкәтләр етсә, о заман бизим онлара бахышымыз фәргли олаҹаг. Јәмәнин мәзлум халгы мүһасирәдә вә аҹлыгдадыр вә амансыз һүҹумлара мәруз галыр. Бүтүн бшәријјәт бу фәлакәтә реаксија ҝөстәрмәлидир”.
342/
